رد على قصيدة الشاعر \ بدر عتيق الحربي
فايز بن سرحان الثبيتي02-Dec-2008, 12:08 AM
بسم الله الرحمن الرحيم
يقول نبينا محمد صلى الله عليه وسلم ( الفتنة نائمة لعن الله من اوقضها)
كما يقول عليه افضل الصلاة والتسليم («أبدعوى الجاهلية وأنا بين أظهركم؟ دعوها فإنها منتنة»)
لازلنا نعيش تداعيات مابثته قناة الساحة المشؤمة من لقاء مع الشاعر كديميس العصيمي وذكره لاحدى القصائد التي قيلت في حقبة من الزمن وقت المساجلات التي كانت بين شعراء القبيلتين وكانت بين الطرفين وهي صفحة وطويت وانتهت بخيرها وشرها
ولكن القضية هي لماذا تعيد قناة الساحة (سويدة الوجه ) بث هذه القصائد واعادتها للاضواء من جديد
هذه قصيدة ردية على قصيدة الشاعر \ بدر عتيق الحربي التي كتبها في ديوانية الشعراء
اتمنى ان تنال استحسان الجميع ودمتم بخير
يامرحبا والله من الشر ياقاك = يالحربي اللي من رجال الحمايل
ياطيب حظك يافتى لا عدمناك = ابشر بعزك وانت راع الجمايل
ياحرب ياهل الطيب والطيب مجناك = قبيلة تزخر بطيب الشمايل
انتم وحنا اخوان ماضن يخفاك = ولا غيرتنا الفتنه ام الفتايل
ان كان جا فالناس واهم وشكاك = ماضنتي يلقى لعلمه دلايل
سحابة مرت و مناك مناك = ماهي سحابة خير بين المخايل
منها اسلمي يادارنا الله يحماك = منهج رسول الله حلو الخصايل
ياموقض التفنه وشيطانك اغواك = ملعون ياللي تدعي بالفضايل
حنا شبابه ياسود الوجه حذراك = انقولها لك عبر كل الوسايل
هذا كلام ياصلك وايتعداك= ياللي تشب النار وش انت طايل
بدر عتيق الحربي02-Dec-2008, 12:50 AM
ابت سرحان لاعدمناك يالغالي ؟؟ورحم الله شيخ جابك ياكحيلان......
ولي عودة على هذه السمغونيه الراقيه ولاهي غريبه عليكم ياعتيبه الجزلات.....
صح لسانك مد بلاعدد
بدر عتيق الحربي02-Dec-2008, 01:53 AM
((يامرحبا_واهلين_اقلط وحياك))=هذي عوايدكم بكسب الفضايل
تاريخكم ناصع نقي مابه اشكاك=ماينكره ياكود ..... القوايل
يشهد على ماقول رجلٍ به ادراك=والسيف يشهد به وركض الاصايل
ولاهو غريبٍ ياابيض الوجه ممشاك=الحر مثلك كاسبٍ للنفايل
حلال حمال الثقيلات مرقاك=للمجد ساعي مارتضيت النثايل
افخر بك وتفخر عتيبه بشرواك=لو كان عرفي من دقايق قلايل
لكنّ منطوقك يوضح خفاياك=والعين دايم للثمينه تخايل
واخر حروفي شكر ينصى محياك=ياشاعرٍ شال البيوت الجزايل
عبدالرحمن الهيلوم02-Dec-2008, 04:32 AM
صحت السنتكم يالمبدعين
والله يوفقكم دنيا ودين
وحرب عتيبه
وعتيبه حرب
دمتم بود ي
نايف الجازي02-Dec-2008, 06:57 AM
ذكر الحيا والطيبين يبين
وانتم انشاء الله من الطيبين
ابن سرحان الثبيتي
بدر الحربي
صحة قلوبكم يالغالين
0
مرزوق حمدان العتيبي02-Dec-2008, 08:43 AM
..
.
ابن سرحان الثبيتي
وبدر الحربي
بيض الله وجيهكم وحنا اخوان اليوم ودوم وصفنا واحد
ولايمكن تغير فينا او تخلف مودتنا مثل هالصغاير ...
..
كل الشكر
عبدالله بن طلال02-Dec-2008, 10:57 PM
صح لسانك يابن سرحان
وصح لسانك يا بدر
وبيض الله وجيهكم ماقصرتوا
وعاشت شبابه
ممدوح الروقي03-Dec-2008, 01:50 AM
يعطيكم العافيه مبدعين بما تعنيه كلمت الابداع الحمدالله ان عقلنا اكثرمن جهلنا
أبو مصلح 51103-Dec-2008, 02:01 AM
والله كفوا يا عتيبه وكفوا يا حرب
فايز بن سرحان الثبيتي04-Dec-2008, 09:05 PM
ابت سرحان لاعدمناك يالغالي ؟؟ورحم الله شيخ جابك ياكحيلان......
ولي عودة على هذه السمغونيه الراقيه ولاهي غريبه عليكم ياعتيبه الجزلات.....
صح لسانك مد بلاعدد
لا هنت يابدر ومرحبا فيك اليوم ودوم وفي ومتابعين طال عمرك
((يامرحبا_واهلين_اقلط وحياك))=هذي عوايدكم بكسب الفضايل
تاريخكم ناصع نقي مابه اشكاك=ماينكره ياكود ..... القوايل
يشهد على ماقول رجلٍ به ادراك=والسيف يشهد به وركض الاصايل
ولاهو غريبٍ ياابيض الوجه ممشاك=الحر مثلك كاسبٍ للنفايل
حلال حمال الثقيلات مرقاك=للمجد ساعي مارتضيت النثايل
افخر بك وتفخر عتيبه بشرواك=لو كان عرفي من دقايق قلايل
لكنّ منطوقك يوضح خفاياك=والعين دايم للثمينه تخايل
واخر حروفي شكر ينصى محياك=ياشاعرٍ شال البيوت الجزايل
صح لسانك ياالوافي لا هنت مبدع وفقك الله مجاراة لا تقل روعة عن قصيدتك الاولى
دمت بخير وعافيه
نايف ابن عنيزان04-Dec-2008, 10:54 PM
صح لسانك الله يبعد الفتن بينكم وكلكم مافيكم قصور ياعتيبه وحرب مرتوين من منهل الطيب
(ياحسين مايشتك كود الرديين = ولأ تر الطيب وسيعن بطانه)
الزائر07-Dec-2008, 10:36 PM
بيض الله وجيهكم وصح الله السنتكم
وكل عام وانتم بخير
ضاامي وفااا07-Dec-2008, 10:55 PM
شٍـٍـٍـٍكٍـٍـٍـٍرٍاٍ جٍـٍـٍـٍزٍيٍـٍـٍـٍلاٍ لكٍ عٍـٍـٍـٍلىٍ هٍـٍـٍـٍاٍلمٍـٍـٍـٍوٍضٍـٍـٍـٍوٍعٍ اٍلرٍاٍئٍعٍ وٍتٍـٍـٍـٍقٍـٍـٍـٍبٍـٍـٍـٍل مٍـٍـٍـٍرٍوٍرٍيٍ
الأسعدي208-Dec-2008, 02:50 PM
بارك الله فيك .. ابيات جيدة
الأسعدي208-Dec-2008, 03:04 PM
بارك الله فيك .. ابيات جيدة
من عيني09-Dec-2008, 06:35 AM
صح السانك يابن سرحان ويابدر القرررم
نحمد الله على كل حال بان فيه رجال مثلكم وشرواكم
تجمعنا فيهم المحبه والاخوه والنسب
اصالتكم تثلج الصدر ولنا فخر
عيضه الثبيتي09-Dec-2008, 01:47 PM
ابن سرحان
كفّيت ووفّيت
لله درك
ومن العايدين
تحياتي وتقديري
فايز بن سرحان الثبيتي10-Dec-2008, 07:52 PM
صحت السنتكم يالمبدعين
والله يوفقكم دنيا ودين
وحرب عتيبه
وعتيبه حرب
دمتم بود ي
اشكرك اخي عبدالرحمن الهيلوم ولو ان لي عتب على بقية مشرفي ومراقبي واداريي القسم والمنتدى لعدم ردهم على الموضوع
ولكن البركة بتواجدك المشرف اخي
دمت بخير وتألق وعافيه
بـرق الـذيب10-Dec-2008, 10:06 PM
لاهنتوا ياحرب وياعتيبه
والله انكم فخر شبابه
فايز بن سرحان الثبيتي10-Dec-2008, 10:50 PM
ذكر الحيا والطيبين يبين
وانتم انشاء الله من الطيبين
ابن سرحان الثبيتي
بدر الحربي
صحة قلوبكم يالغالين
0
الله لايهينك يانايف الجازي
الله يطيب فالك ياطيب الاصل
دمت بخير وعافيه
فايز بن سرحان الثبيتي10-Dec-2008, 10:53 PM
..
.
ابن سرحان الثبيتي
وبدر الحربي
بيض الله وجيهكم وحنا اخوان اليوم ودوم وصفنا واحد
ولايمكن تغير فينا او تخلف مودتنا مثل هالصغاير ...
..
كل الشكر
مرحبا ومسهلا يامرزوق بن حمدان العتيبي والله والسبعة انعام وجهك ابيض لا هنت
مرورك اثلج صدري
دمت بخير وعافيه
