محمد بن سمير + محمد بن رشيد ....................( مباشره)

محمد بن سمير



سلام ردة سليمه من ضمير سليـم=تسلمية يسكن المسلم تحت ضلهـا
يالشاعر اللي مع الشعار عقلك فهيم=الطيبـه هاتهـا والثانيـه خلـهـا


محمد بن رشيد



يا مرحبا من ضمير الشاعر المستقيم=ترحيب يسوى تراحيب العرب كلهـا
ما توجد الحكمه الاّ عند رجلٍ حكيـم=اللي يميّز دروب الطيـب و يدلّهـا


محمد بن سمير



دام البقاء وانت رجل بالمعانـي كريـم=تدفن لك الناس بالمعناء وتدفـن لهـا
والله هو اللي عطاء الحكمه بخلقه رحيم=وانا ادري انك سبور القوم صاحن لها


محمد بن رشيد



انا الخصيم العنيد اللي يضد الخصيم=اجرد سيوفي على العدوان واسلهـا
احد ٍ يعيش بشقى و أحدٍ يعيش بنعيم=و أنته ما يحتاج تفهمها و تفطن لها


محمد بن سمير



وانا تراني على العداون نار(ن) جحيـم=أجرد سيوفي علـى العـداون واحتلّهـا
ان كان صليت وسط القدس فأنت الزعيم=قـل للعـرب يالعتيبـي كلهـا قلّـهـا

محمد بن رشيد



في حاضر الوقت ولاّ فالزمان القديم ؟؟؟=كلمتك هذي عساك تكـون كفـوٍ لهـا
صلّيت ما بين زمزم و الحجر و الحطيم=لكنّ صلّ الفروض الفايتـه صلّهـا !!!

محمد بن سمير



ذا النون في الحوت راح بوسط بحر(ن) ضليم=فتـش بطـون المعانـي كـان تفطـن لهـا
والمزن هلّ المطـر والسيـل جالـه وشيـم=يبـى يمـرّ الخـيـام البـيـض ويتلّـهـا

محمد بن رشيد



الكلمه الاوله والثانيه فالصميـم=فالقبر لو الجنازه تدفن احسن لها
سحابة ٍ خيّلت ماعقّبت غير ديمبعض المخايل تغرّ اللي يعاين لها

محمد بن سمير



وجهت بك للرياض ورحت يم القصيم=والليله المظلمه منته بضار(ن) لهـا
مافيه واحد بعد عشرين يحسب يتيم=لياطبلت لك طبول الحرب طبل لها

محمد بن رشيد



ياللي تسيّر من البطحا لحي النسيم=ترى الديار البعيده منت واصلهـا
عزالله اني منول ماحسبته غشيم=من جاب له مشكله ياحاكم ايحلها