الرئيسية «
شعر المحاورة «
ياسلام الله سلام ٍ بصمته معروفه = من نتاج افكاري الحره ونهج اسلوبي \ سلطان الجذع
ياسلام الله سلام ٍ بصمته معروفه = من نتاج افكاري الحره ونهج اسلوبي \ سلطان الجذع
عقاب العنزي01-Feb-2010, 08:24 PM
ياسلام الله سلام ٍ بصمته معروفه = من نتاج افكاري الحره ونهج اسلوبي
ابتلشنا في شعوب الاندلس والكوفه = كل منهم قال منّا القائد الايوبي !!
حسن إبراهيم الدجيماء01-Feb-2010, 08:26 PM
الله الله ..
مشكلة شعب الاندلس والكوفة ..
صح لسانك ياعقاب .. كبير ياكبير ..
وبيض الله وجهك ..
في انتظار الاسطورة الجذع .. وصح لسانه مقدماً ..!!!
متاااابع ..!!!!
عقاب العنزي01-Feb-2010, 08:29 PM
الدجيما
حضورك دائم ٍ له نكهه خاصه الله يعافيك ويسلمك
صح بدنك
سلطان الجـذع01-Feb-2010, 08:40 PM
...
مرحبا ترحيب فعله بالعيون تشوفه = يوفي كرام السبال ويكمل الماجوبي !!
المقام اللي تساوو بالمقام صفوفه = كلهم وافين وادناهم يسد النوبي !!
سلطان الجـذع01-Feb-2010, 08:40 PM
.....
ارحب يالدجيما صح بدنك وحياك الله ...
صاهود01-Feb-2010, 08:42 PM
فتل
ونقض
كايف صحت الالسن والقلوب جميع
متابع بقوه
حسن إبراهيم الدجيماء01-Feb-2010, 08:43 PM
متاااابع .. وصحت الالسن والقلوب ..
في انتظارك يالعنزي ...!!!!
سلطان الجـذع01-Feb-2010, 08:45 PM
...
ارحب ياصاهود ارحب ... شرفتنا بحضوركـ ...
عقاب العنزي01-Feb-2010, 08:55 PM
البقا والطيب منّكم ماتعد وصوفه = يارجال كل مازرت المحل حيّوبي
الكتاب اللي وصلكم لاتضيع حروفه = ثم نبلش في حساب اذنوبكم وذنوبي
عقاب العنزي01-Feb-2010, 08:56 PM
صاهود
الدجيما
لاهنت على الحضور
وصحة ابدانكم
خوي السعد01-Feb-2010, 08:58 PM
الصف سلطاني
بيض الله وجيهكم متابع
عقاب العنزي01-Feb-2010, 08:59 PM
خوي السعد
وجهك ابيض وبصف سلطان عدك بصفي
شرفتنا
حسن إبراهيم الدجيماء01-Feb-2010, 08:59 PM
الله اكبر ..
العنزي وش نقول وش نخلي ..؟؟
مااقول غير بيض الله وجهك .. وصح لسانك ..
متاااابع وبشغف ..!!!
عقاب العنزي01-Feb-2010, 09:01 PM
الدجيما
وجهك ابيض ومتابعتك محل تقدير واعتزاز
لاهنت
علي الشهراني01-Feb-2010, 09:05 PM
الله الله
بيض الله وجيهكم
شعار كبار و الكبير الله
صحت السنتكم جميع
عقاب - سلطان
متاااابع لكمــــ
عقاب العنزي01-Feb-2010, 09:06 PM
الراي السديد
متابعتك شرف يالذيب لاهنت
صح بدنك
سلطان الجـذع01-Feb-2010, 09:23 PM
...
لاتقابلنا بهرجٍ نسمعه ونطوفه = ولاتشرع فوق نفسك للهجاد دروبي !!
انت ميزانك خفيف ولا تقر كفوفه = ماتصيغ اللي تريده زين ... فالمكتوبي!!
محمد النخيش01-Feb-2010, 09:24 PM
سلطان الجـذع01-Feb-2010, 09:26 PM
...
ارحب ارحب يالراي السديد .. صح بدنك وشرفتنا بحضور ك
سلطان الجـذع01-Feb-2010, 09:27 PM
...
ارحب ارحب ارحب يابو غازي
عقاب العنزي01-Feb-2010, 09:30 PM
لاتقابلنا ترى كل ٍ يسل سيوفه = ياعجوز ابليس عن فعل الخطايا توبي
يالجذع من بيننا تفاحة ٍ منصوفه = الله اكبر كيف تنسى الزاد والمشروبي !!
سلطان الجـذع01-Feb-2010, 09:31 PM
...
ارحب ارحب ياخوي السعد
ولاهنت على التشريف والمسانده :)
سلطان الجـذع01-Feb-2010, 09:42 PM
..
هذي اللي لعنزة ومن عنزة مصروفه = ألتسبها يابن وايل مثل لبس الثوبي!!
بارك الله في عقاب مقدرين ظروفه = يلعب المنكوس والا يلعب المسحوبي!!
عقاب العنزي01-Feb-2010, 09:51 PM
الجذع يااصحابنا لو هي تطول كفوفه = اعرفوا في وسط قلبه مايزيح الخوفي
انت لو تاخذ معانا فالشمال بروفه = كان سمّوك العرب بالشاعر المحبوبي !!
سلطان الجـذع01-Feb-2010, 10:06 PM
...
:)
الله يعينك على وقتك هذا وصدوفه = تكبر النكبه وتلقى وجهك المنكوبي!!
خلها ياصاحبي فلحافها ملفوفه =مابغيت امركم واخلي يدي وجيوبي!!
زبن الجعفري العنزي01-Feb-2010, 10:17 PM
الله الله
عقاب العنزي
صح لسانك والصف صفك
ولايهون الاسطوره وصح لسانه
سلطان الجـذع01-Feb-2010, 10:19 PM
...
ارحب ارحب ياراع الجدعا ...
صح بدنك ولاهنت على مرورك يالغالي ...
عقاب العنزي01-Feb-2010, 10:21 PM
لاتضحكني وانا ماقد سمعت اطروفه = دام عينك للمساجد والعقل فاللوبي !!
والله اني ماخبرت بمنّه ومعروفه = لوّ اني ضامي تركني وارتشف من كوبي !!
عقاب العنزي01-Feb-2010, 10:22 PM
راع الجدعا
الصف يزهابك يالذيب لاهنت
صح بدنك
علي الشهراني01-Feb-2010, 10:23 PM
الله الله
لا زلت متااابع لهذا الطاروق الرائع بروعة شعاره
صحت السنتكم جميع
متااابع
عيد بن مرضي01-Feb-2010, 10:30 PM
يا سلاام يا سلاام
لعب على مستوى عالي
صحت الآلسن .. متابع للفايده
السيل-الحافي01-Feb-2010, 10:31 PM
يعطيكم الف عافيه
متابع
للعملاقين
وللجزاله
صحت السنتكم
سلطان بن دحيم01-Feb-2010, 10:35 PM
سلطان الجـذع01-Feb-2010, 10:50 PM
...
عقاب صح لساااااااااااااانك ملايين والى لقاء قادم ..
تشرفت بمجاراتك ولاهنت لاهنت ...
وكل الشكر لكل من سجل مروره هنا
وتصبحون على خير
عقاب العنزي01-Feb-2010, 10:58 PM
جميع من قام بالمرور لاهنتو وصحة ابدانكم جميع
سلطان الجذع
صح بدنك ولاانت
الشرف لي طال عمرك
لك الشكر والتقدير
..
معجب العتيبي02-Feb-2010, 06:17 AM
عقاب وسلطان
صحة الالسن
استمتعنا بقراءة المحاوره
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
