@@@ الحناتيش أطيب الروقه @@@
علي فلاح العضياني08-Mar-2010, 07:24 PM
ابو طلال مساك شعر
:)
:)
بدعت القاف و المعنى كتبته في جناح الطير= هذا من بعد سجّلت إسم عيد العازمي فوقه !!!
تحلّم عيد يوم إنّه رقد حلمٍ بلا تفسير=( يقول إنّي ملك و إنّ الحناتيش أطيب الروقه !!!! )
فواز السعيدي08-Mar-2010, 07:25 PM
ههههه
الله الله يابو فلااااح
صح لسانك ياعلم
وصح لسان الداهيه ابو طلال
متاابع
حاكم الغنامي08-Mar-2010, 07:28 PM
ياسلام ياسلام
في صف الحناتيش :)
وصح لسان ابو فلاح
ولسان ابو طلال
ومتابع
علي فلاح العضياني08-Mar-2010, 08:04 PM
صح لسانك يا بو عايش
و صح لسانك يا بو عيد
شرفتونا
نوآف الغنامي08-Mar-2010, 08:15 PM
هههههه
الله الله
صح لسانك يبو فلاح
وصح لسان ابو طلآل مقدمــــــــآ
فايز بن سرحان الثبيتي08-Mar-2010, 08:17 PM
بدعت القاف و المعنى كتبتـه فـي جنـاح الطيـر
هذا من بعد سجّلت إسم عيـد العازمـي فوقـه !!!
تحلّـم عيـد يـوم إنّـه رقـد حلـمٍ بـلا تفسيـر
( يقول إنّي ملك و إنّ الحناتيش أطيب الروقه !!!! )
الله الله الله
صح فكرك يابو فلاح وفي انتظار ابو طلال "
صحت السنتكم "
نمرً المقآطي ] ’08-Mar-2010, 08:34 PM
بدعت القاف و المعنى كتبتـه فـي جنـاح الطيـر
هذا من بعد سجّلت إسم عيـد العازمـي فوقـه !!!
الله الله ، صح لـسآنك يابن فـلاح .. بإنتظآر ’ آبو طـلال , ’
.
عيد العازمي08-Mar-2010, 09:02 PM
ارحب يابو فلاح
على قاف المعاني ياعلي مساك كله خير = مسابيق الفكر تشبه مَهَدّ الحر وسبوقه!!
كلامك فـــ/ أوّله غلطه وميقافه جبال النير = رواسي فالجزيره قبل مصر وحكم فاروقه!!
نمرً المقآطي ] ’08-Mar-2010, 09:04 PM
كلامك ف/ أوّله غلطه وميقافه جبال النير
رواسي فالجزيره قبل مصر وحكم فاروقه!!
يآسـلآم ! ،صح لسانك ولا هنت ! .. محآوره تستحق المتآبعه ’
متآبع .. والصف صفك / ~
.
ابو فايح08-Mar-2010, 09:06 PM
الله الله
معنى وفي جناح طير وحلم وملك وحناتيش هي دبروها عاد
بانتظار ابو طلال يفك الطلاسم
محمد بن رشيد08-Mar-2010, 09:07 PM
الله الله الله
علي وعيد
وقاف ناري والصف حنتوشي
متااااابع ِ
علي فلاح العضياني08-Mar-2010, 09:14 PM
الله الله
من أحداث الليالي قد كتب عنك الزمن تقرير=عليك مسبقّاتٍ سابقه ماهي بمسبوقه !!!
حقيقه ثابته للي يقيس العلم بالتفكير=معاني عيد نعرفها قبل ندري بطاروقه !!!!
علي فلاح العضياني08-Mar-2010, 09:18 PM
نمر المقاطي
صح بدنك
اخواني الحناتيش ابو فايح و محمد رشيد ,,, اتركوا العنصريه و تعالوا في صفي
ترى عيد خطير لا يوديكم في داهيه هههههههههه
صحت أبدانكم جميعاً
علي الثبيتي08-Mar-2010, 09:26 PM
هوامير الشعر هنا مسا الخير للجميع
صح لسان المستشار
وصح لسان دكتور الشعر
علي فلاح العضياني08-Mar-2010, 09:29 PM
صح بدنك
يابو فهد
بيض الله وجهك على الحضور
عيد العازمي08-Mar-2010, 09:35 PM
زمانٍ فات مزهب يالعضياني وشد بعير = جملنا شال حمله عن جمالٍ مالها طوقه!!
عقل يابس. عقل رجعي. عقل يحتاجله تحرير = مكانك فالوسط بين السحاب الغر وبروقه!!
ابن صبحي الشاطري08-Mar-2010, 09:38 PM
صحة السنتكم ونعم فيكم كلكم
وتقبلو تحياتي
ابن صبحي
عيد العازمي08-Mar-2010, 09:38 PM
الاخوان الشعار المبدعين
والاعضاء والمحللين
حياكم الله
ولانستغني عن تواجدكم
ووقفاتكم المعهووده ههههههههه يعني ضد ابو فلاح
علي فلاح العضياني08-Mar-2010, 09:49 PM
بني مرّه بعد صاروا ضحايا تحت سطو الزير=سببها كلها جساس مرّه راعي البوقه !!!
عليك يصير علمٍ فوق غيرك مستحيل يصير=حقوق الطبع بالتحديد محفوظه و موثوقه
كايدالاجرب08-Mar-2010, 09:51 PM
ابو فلاح
العازمي
صحت الالسن والقلوووووب
متااااااااابع الابدااااااااااااااع
علي فلاح العضياني08-Mar-2010, 09:53 PM
ابن صبحي
ما عليك زود
ونعم فيك وفي مطير العزيزه
تشرفنا بتواجدك معنا
علي فلاح العضياني08-Mar-2010, 09:57 PM
هلا والله بولد غابي
يالله حيه
صح بدنك
شرفت
ابو منير العتيبي08-Mar-2010, 09:58 PM
يا سلام بيوت
تكتب من ماء الذهب
ياسلام
طواريق حامية وفيها نقض وفتل
عيد العازمي08-Mar-2010, 10:06 PM
حياة الهون مع موت المعزه مالها تقدير = فعل جساس دمه للحياه العادله سوقه!!
اباجيكم واشبّ النار لين تطّلع القصدير = كلام اثبات لين يصّدر الرجال بحقوقه!!
علي فلاح العضياني08-Mar-2010, 10:22 PM
وفاة المنتحر في دين الامّه مالها تبرير=يموت و جثّته بالنار فالدارين محروقه !!!
بالاحمر يكتبون أهل العقول إشارة التحذير=على شان الرجل يحفظ لسانه قبل منطوقه !!!!
ابو منير العتيبي08-Mar-2010, 10:25 PM
الله الله
اللعب حامي والرمي قرار
والشارة ما طاحت
فايز بن سرحان الثبيتي08-Mar-2010, 10:25 PM
متابعين "
صحت قلووووبكم "
صالح العبدلي08-Mar-2010, 10:37 PM
شعار من الوزن الثقيل
وطاروق عالمي
لله دركم ..
صحت ألسنتكم وقلوبكم
علي فلاح العضياني08-Mar-2010, 10:39 PM
ابو منير
عينت الرجال راعي الكوت ؟
عيد العازمي08-Mar-2010, 10:39 PM
صدقت وطاب مفهومك على الايه فقط لاغير = غروب الكون في يوم القيامه يمّت شروقه!!
عرفت الحرف وابشر ياعلي بالحبر والتسطير = غريبه ماتعرف المر لين اتهيم وتذوقه!!
علي فلاح العضياني08-Mar-2010, 10:41 PM
صالح العبدلي
صح بدنك
و شرفتنا بمرورك الكريم
عيد العازمي08-Mar-2010, 10:45 PM
الاخوان
الغالين
ابن صبحي
ابن سرحان
كايد
صالح
الف هلا وتواجدكم غير
عيد العازمي08-Mar-2010, 10:46 PM
ابو منير
يالله حيه
تشرفنا
وش اخبارك
غلق البرد ماشفناك
ههههههههههه
ماعليك من ابو فلاح
وعلومه يحاول يظهر معنى
وانت ابخص هههههههه
علي فلاح العضياني08-Mar-2010, 10:50 PM
الله الله
يا عيد العازمي دفّوك قشران العرب فالبير= على شانك بليّا عقل دايم عمرك تسوقه ّ
تبا منّي نصيحه ,,, روح و العب مع سفير مطير=قبل ... قلبك يصلّب ما يضخّ الدم لعروقه
كبتن عتيبه08-Mar-2010, 11:15 PM
تحلّـم عيـد يـوم إنّـه رقـد حلـمٍ بـلا تفسيـر
( يقول إنّي ملك و إنّ الحناتيش أطيب الروقه !!!! )
ههههههههههههههههه
ياسلام عليكم
مبدعين
عيد العازمي08-Mar-2010, 11:21 PM
زبون الورد ورّدها وصدّرها مآجاك مغير = يعرف اللي رصاصه حافظه في وسط صندوقه!!
ابا العب معك والعب معه مانطلب منه تاخير = ودقنٍ ماتسد الماقف الغصاب محلوقه!!
عيد العازمي08-Mar-2010, 11:23 PM
بيض الله وجهك
يابو فلاح
وكل الشكر لمن شرفنا
الصميدع المقاطي09-Mar-2010, 01:08 AM
ابدعتوا ماشاءالله عليكم
صحت الالسن والقلوووب !!
دمتم
فهد العازمي العتيبي16-Mar-2010, 10:52 AM
صح لسانك
يالعازمي
وصح لسانك
يالعضياني
استمتعنا بالأداء الرائع والمميز ...
حمود الحمود16-Mar-2010, 10:57 AM
الله على الابداع ماشاء الله عليكم
وصحت السنتكم جميع
