الشاعر مقرن بن زقيع والشاعر ناصر بدر بن عقيل ......جديد

الشاعر مقرن بن زقيع


سلام ياحرٍ بـروس المشاريـف
ايحـد مخلابـه ويكفـخ جناحـه

من لابة تروي السيوف المراهيف
صويبهم عامين يشكـي جراحـه

الي عنه مده ومبطـي ولاشيـف
ويالله عسى ناصر لياليـه راحـه

يابوبدر والوقت راعي تصاريـف
وكلن ورى دنياه في كـل ساحـه

مانيب على غيرك براعي تحاسيف
من جا هلا ومن راح سهل مراحه

وانت الرفيق اللي علومه لها كيف
ماهيب منقوده ولاهـي شحاحـه

وانا زواني في زماني صواديـف
اصد عاصوفـه واناطـح رياحـه

من سبة اللي هي عديمة تواصيف
والحب رزت وسط جاشي رماحه

حتى بسببها القلب وسط المهاديف
يصبح على صاحه ويمسي بصاحه

وختامها ماني براعـي تحاسيـف
من جا هلا ومن راح سهل مراحه


الشاعر ناصر بدر بن عقيل


يامرحبا عـد المـزون المراديـف
بكتاب من في الطيب تافي شباحـه

مقرن نسل من يكرم الجار والضيف
ويضفي على منيفه واهلها وشاحه

يوم الجهل ومزارق الشلف والسيف
يومن كلن نجدتـه مـن سلاحـه

يفرحبهم راعي الجهامـه لياحيـف
لياخلا مـن شِيـب ذوده مْراحـه

واقفوبها ازحولن اتروي المراهيف
واظفوا على خلفـات ذوده طياحـه

ولحقوا على مهارن تدك المشاريف
يبشر بذودن غابنـه فـي مراحـه

وفي وقتناء هذا على صحيبهم ريف
مثـل المطرلاهـل حلـوٍ قراحـه

وانا بعد شكواك مالـي محاريـف
احسبلها مليـون قامـه وطاحـه

وانا معك بالجـاه ولاالمصاريـف
واحزامك اللي ماتراخـى شباحـه


وسلامتكم

تم التعديل

صح السنة الشعار

لاهنت

مشارى الحبردي

صح بدنك

لاهنت على المرور

تحياتي لك

صح السنة الشعار

لاهنت يالغالي على النقل الرائع ,



تحيتي
..

محمد العتيبي

لاهنت على المرور

صح بدنك

تحياتى لك