مرثيه في الشيخ عبدالله بن مبروك العازمي

هذي قصيده للشاعر/مقعد بن خلف بن منسي العازمي
مرثيه في الشيخ/عبدالله بن مبروك العازمي رحمه الله

اللـه لـيـا مـنـه نـــــوا حــال مضــاه *** امر الولي وان صار مافيه حيلـه
الموت حق وكل واحد على اسراه *** والـعبـد مــايـكتبـلـه اللـه يجيلــه
لــه يــوم مــاعنـه ايتوخر لـيـا جــاه *** والرابح اللي بالعمل محتسيلـه
علم سمعته جاب قلبي من اقصاه *** وجدد جروح القلب واضهر حفيله
يقول مات اللي على الطيب مبداه *** الشيخ ابن مبروك راع الجميلــه
عز الله انـه مــات مـن يقهـر اعـداه *** وقفـا مـن الدنيـا بعلـم الفضيلــه
مــات الـذي وقـت المهمـات تلقــاه *** اللـي ليـا ثقـل الحمـل يرتكيلــه
من هيبته محدن يقرب على احماه *** منه الخصم يرجع بعلم الفشيله
تــرى الحقيقـه واللـه انــا فـقدنـاه *** فـقيـدتـن والـلـه عــلانـا ثـقيلـــه
تــرى الــقبيلـه كـلها الـيوم تنـعــاه *** لـنـه جـبل ثـابت وركـن الـقبيلــه
ويــاللـه ياللــي كـلنا نطلب رضــاه *** يـاللــي لـيـا ضـاقتبنـا نـلتجيـلــه
تـرحم فقيـد الدين والطيب والجـاه *** اللـي قليل الـيوم تلقـى مثيلــه
عســاه مــن يـاخـذ كتابــه بيمنــاه *** فـي سـاعـة كـلـن يبين حصيلــه
بـالـعفـو والـغـفـران يـارب تـجـزاه *** وتجعل شرابه يالولي سلسبيله

صح لسانك يامقعد
والله يرحم عبدالله بن مبروك

مشكووور يالغاالي ماااقصرت ..

السلام عليكم ورحمة الله وبركاته
اشكركم على المرور الاخ محمد والاخ بن قيس
تحياتي........

.
.
.
.



صح لسانه ، والله يرحم ابن مبروك ويعفو عنه

وان لايحرمك الاجر والثواب.
.
.
.
.