06-Jan-2011, 04:35 PM
يا نفس وليا كان عجزو دكاترس = ترا الدّوا في طاعة مكوّن الرّوح
وسجّ القدم في فيضة غطّها الغرس = مع زحول فاللقا تبعد الشّوح
يا نفس من كسرس عسى الله يجبرس = مالس ورا بعض الرجاجيل مصلوح
لا تكرمين مجامل ما يقدّرس = والرزق حافظه الولي داخل اللوح
وان عضني ناب الزّمن والزمن شرس = اقول هذي بضعة ايام وتروح
وان كان زاد العض بالنّاب والضّرس = ابحتزم واقوم والبال مشروح
وآقف مثل ميقاف صدّام للفرس = اللي حداها بالصّواريخ والفوح
كم لي وانا يا راحة البال ادوّرس = دوّار مجروح على مضمّد جروح
الوقت ضايم واتعزّز واقول ارس = يا قلب لا تبدي الشّكايات والنّوح
والله يا نفسي لأرفع الرّاس واظهرس = وابني من الآمال هامات وصروح
حتى يقولون المنية تدوّرس = ولا يقولون الفرج يعقب الضّوح !!
وسجّ القدم في فيضة غطّها الغرس = مع زحول فاللقا تبعد الشّوح
يا نفس من كسرس عسى الله يجبرس = مالس ورا بعض الرجاجيل مصلوح
لا تكرمين مجامل ما يقدّرس = والرزق حافظه الولي داخل اللوح
وان عضني ناب الزّمن والزمن شرس = اقول هذي بضعة ايام وتروح
وان كان زاد العض بالنّاب والضّرس = ابحتزم واقوم والبال مشروح
وآقف مثل ميقاف صدّام للفرس = اللي حداها بالصّواريخ والفوح
كم لي وانا يا راحة البال ادوّرس = دوّار مجروح على مضمّد جروح
الوقت ضايم واتعزّز واقول ارس = يا قلب لا تبدي الشّكايات والنّوح
والله يا نفسي لأرفع الرّاس واظهرس = وابني من الآمال هامات وصروح
حتى يقولون المنية تدوّرس = ولا يقولون الفرج يعقب الضّوح !!
