((يا جاهل التاريخ تصبح على خير ** ارقد وخل الناس تبحث نسبها))

يا جاهل التاريخ تصبح على خــيـر ** ارقــــــد وخل الناس تبحث نسبها
اليوم ما هو جيل خز الـمـعـاشـيــر ** وسوالف العربان وهـرجـت عربها
اليوم جــانـــــا جيل ينشد يبي غير ** يبي عـلـوم تقنعه في ســبــبــهــا
ولا يقنعه ضــرب الـمـثـل بالمداوير ** وعسوس ركبت هيجنت من طربها
يبي علوم ســطـّرتـهـا الـمـحـابـيـر ** ومـا يقنعه ليلة حـطـبـت وحـطـبـهـا
لا بد من عــلــم بــه الـنـور والـخـير ** ما هي علوم جــابــهـــا من نهـبـهـا
يقرا غلط يفهم غلط يكمل الـسـيـر ** وكم كلمة جــربـــــا يصحف جربـهـا
والياعجز عن فهمها غرد الـطـيـــــر ** ومن زين صوته ام ســـالـم جـذبـها
وقــامــت تجاوب بالجهل العصافير ** وكل على لــيــــلاه يرجي حسـبـها
والغرب ضــاع وضيعو هالـحـواديــر ** اللي ســقــط بالبير واللي جلبـهـا
واللي شـرب صافيه من جمة البير ** واللي قليبه جف وافــخــت عربـهـا
يا صاحبي افطن لجيل الـطـبـاشير ** اللي انكتب بالجوف تـلقـاه با ابـهـا
ثــقــافــتــه وحدة وسـاحـة هوامير ** ومفهومهم واحــــــــد وعقول نبـهـا
وان ما لحقنا الركب راحوا المناعير ** وقعدت انا وايـــــــاك باتلى طلـبهـا

القارظ العنزي بقلمي

صح لسانك يالعنزي قصيدة جزله ولاكن التاريخ ثابت لأصحابه مهما كانت وجهاتهم
بين الدول سواء بالشمال والا الجنوب لان التاريخ هو يحفظ اهله

حتى لو هم مااهتموا بحفظه ..