ساعدوني على هالتحدي..الله يجزاكم الجنه$$$

السلالالالالالالالالالالالالالالالالام عليكم يا اخواني

هذا اللغز تحداني به احد الزملاء...تعبت انا ادور حله

لدرجة اني كتبت بعض من كلماته بالقوقل لعل وعسى ان اجد حله لكن للاسف لم اجد شي يفيدني


اللغز هو........................طفله صغيره عمرها سبعة اعوام تاقف بعز القيض ترعى غنمها
مابقى فيها سوى جلد وعظام والطول طول اللي وسط من غنمها
تمشي بحر وشوك والناس نيام ومن كثر ضرب الشوك تنزف قدمها


وسلامتكم .................

اخوي راعي الشقحاء
وعليكم السلام ورحمة الله وبركاته
ماذكرته عن اللغز انا مثلك كان مشغلني ومن ضمن الحلول قالوا انه المسلسل الكرتوني هايدي ومع الاسف حتى ان اللغز والحل نسب لاحد مشاهير الالغاز ..ولكن بالاخير وجدت ان الموضوع لم يكن لغز وانها ابيات من قصيده لشاعر راى بالبريه طفله ترعى الغنم عليها مظاهر الفقر وبالمواصفات التي اتت ضمن القصيده التي ساذكرها لك.

طفله صغيره عمرها سبعة اعوام = تاقف بعز القيض تحرس غنمها
القيض محرقها بقى جلد وعظام = والطول طول اللي وسط من بهمها
مسكينه تعجز على قولة اللام = اليا نوت ترتاح صاح ونهمها
تمشي بشوك وحر والناس نيام = ومن كثر ضرب الشوك ينزف قدمها
تبكي مثل منهو قريصٍ من السام = ومن البكا يبكيك شهقة نسمها
تبكي وتشكي فعل ابوها للأيام = ملعون ابوها ياعرب مارحمها
طفله بريئه والطفوله لها حزام = احزامها يوم الولي به حزمها
في عالم مجنون تلطم وتنظام = تبغى السعاده مير ابوها حرمها
يالله يادايم وغيرك فلا دام = انك تجازي واحدٍ هو ظلمها
ويالله ياللي لك نصلي وصيام = سحابةٍ بالقيض تاقا لحمها
كنت اعتقد انني اطلعت على القصيدة في منتدانا ولكن مع الاسف لم اجدها
تحياتي للجميع

اشكرك يا اخ مازن والله ماقصرت
ريحتني جعلك في الجنه ووالدينك والمسلمين