لا عاد برسل ولا استقبل .............

عبدالله القثامي







هاضت هواجيس شعري والقصيد اقبل =
وأنا ليا اقبل جزيل الشعـر أبـا اقبلـه
اقبل وعديت أبه في عالـي المنـزل =
وناديـت سلمـان بالبـراد والـدلـه
وألبوك والزاج وافرش من جديد الزل =
بعد أقبلت لي بيـوت الشعـر منهلـه
قالت وش اللي تبيه وقلت ويش الحل =
الحـال مخـتـل والأيــام مختـلـه
مرت ثلاثة شهور وشهرنـا المقبـل =
رابع شهر والفقيـد أزريـت لأصلـه
فقتلي في زمـان العولمـة محمـل =
لو محمل الشام جنبه راح فـي ضلـه
ارمي عليه الهموم أفواج ما يزمـل =
ما ينشد الهم وش (دقه) ووش (جله)؟
يشتال همي على همـه ولـو يدبـل =
عظيد جنبي وأنـا جنبـي عظيـد الـه
العام من زايد أشواق الوفاء يرسـل =
واليوم لا عاد يرسـل لـي ولاارسلـه
يامخبل للي يحجب الشمس بالمنخـل =
طالت دروب الزمـان وبانـت ألخلـه
اليوم لا عاد لا برسـل ولا استقبـل =
مليت من جور وقـتٍ مختلـف دلـه
فكرت فالوقت احد يطلع واحد ينـزل =
واحدٍ مكانـه مابيـن النـار والجلـه
وعذلت قلبٍ عن الأفكار مـا يعـذل =
وأقول دايم طـراة الشـي فـي حلـه
يا قلب خل الجهل يا قلـب لا تجهـل =
ما للجهـل عندنـا مذهـب ولا ملـه
هذي هي الناس احد ينقظ واحد يفتـل =
والعاقل اللي ما يقرب مسلـك الزلـه
زلة لسان اللبيب الحـر مـا تعقـل =
وان زل راس القدم لحق القـدم كلـه
بعض العرب خوته زانـه ولا تنمـل =
ولو تكثـر أزوال نفسـه مـا يزولـه
عقله معه يعرف المخرج من المدخل =
عاقل وموزون يـا ليتـه ويـا علـه
في العلم والدين والخلاق اله منهـل =
واصل ألوفا في صفاته طبـع واجبلـه
درعك إليا بار فيك الخبـل والتنبـل =
بالمـال وألا بشـورٍ يبـري العـلـه
وبعض ألا وادم يشابه غرسة المشتل =
تسحرك ما دامـت إن الأرض مبتلـه
أسبوع خضـراء وتتحـول وتتبـدل =
وتصير صفراء وترمى فأخر ا ألسلـه
لأكن اطعني وألا يا قلـب لا تجهـل =
ما للجهـل عندنـا مذهـب ولا ملـه
من كان رزقه على الخلاق لا يزعل =
يزعل إليا كان رزقه عنـد خلـق الله

صح لسانك يالمسعودي وصح لسان القثامي

صح لسانك يالمسعودي وصح لسان القثامي

والله يعطيك العافيه
ولاهنت ياغالي

آآآآآآآآآآآآآآآآآآآآه يافيصل المسعودي القصيدة رائعة تسلم يمناك ياغالي ولك الشكر والتقدير والعرفان مني

فيصل المسعودي

الله يعطيك العافية

وصح السان الشاعر القثامي

صح لسانك ولسان القثامي


رائعه من رائع

لاهنت


تحياااااااااااااااااااااااااااااااتي