غير الثنينه ثنين (مباااشر) !!

الوقت يسمح على الشاشه يجي غير الثنينه ثنين=والكل يبدي طواريقه لحاله ياهل الملعبه
حاضر بحاضر ترانا مانحب يصير فالعب دين=وين انت يا اللي على الطاروق و المعنى يكد شنبه

راع العطا شاعرٍ فالملعبه يدحم بضلعٍ متين=وترا اعذب الشعر ياراع العطا عن الحظور اكذبه
ابشر بعزك وانا جاهز عسى ربي عليكم يعين=والمركب اللي على الشاطي ليا منك طفشت اركبه

استلم طال عمرك راع العطا الله سبحانه



راع العطا الله وانا مانيب رب الخلق يا مسلمين=و الشعر حكمه وفن ومن بغى المعنى يجي يطلبه
و الله لسوق الحن لين ان من يهدر يجر الحنين=امّا مشا طوع ولا يا ولد جودان نانغصبه

قصدي مت11111111111111بع

ههههههههههههههههههه
مرحبا يا خيال متابعتك نوماس

قدم لنا حكمتك والفن والمعنا شوي ويبين=وراك ماتكتب اسمك ياولد وتكب عنك الشبه
سوقه وجره وانا مرهي وباجيبلك درٍ ثمين=تارد على نهر دجله والبحر خله لمن يشربه

تعيش عيشه هنيه يا ولد جودان طول السنين=ولا ردي المعرفه يا ولد جودان مانحسبه
الاسم عزوه وانا راعً لها مقبل يسار ويمين=و ان كان ابه شي عندك ياوسيع المعرفه قم جبه

الله يسلمك لكن الحسن ماهوب مثل الحسين=والطيب انا مامنعتك ياوسيع العرف لا تكسبه
نويت اقوهيك من دلة رجال العرف والغانمين=واعطيك من مقدع اهل العرف يارجال كم رطبه

انته كليت الرطب قدمي ولا نبغى من الزاد شّين=التمر خله لهرشً كل مانوخ يطق عصبه
بيتً تغير علينا ماعرفنا ويش شينه وزين=ونصف العرب ياوسيع المعرفه قد قيل مستعربه

الاوله ماعرفتلها ومرت وانت رجلٍ فطين=والثانيه ليش تفضحها وتفلقها بعود احطبه
نيتك نيتك زينها وتكسب كل رجلٍ ذهين=والداب راسه ترا ياصاحبي ماهوب مثل اذنبه

فكرت فيها وحصلت الهدف معروف قدله سنين=اكتب حروف الهجاء بالرمز و العراف ما يكتبه
وان كان راحت عليه بـلخطأ ترجع بفنجال صين=و الداب احطه بوسط النار يارجال واشلهبه

روغتك هذي تراها تنحسب لك طيب يابا الحصين=والرجل ياصاحبي لازم يميز ويش في مزهبه
خلك معزب ليا جيناك واذبح للضيوف السمين=اكسب جميله بضيفك وان عطاك الكوت رح شتبه

نوبٍ نحط الشحم لضيف واحيانً يحصل متين = والكوت يبقى على الضيفان انا عيبً علي اسلبه
انت تحوص كما المذكور خل الحب وسط الجرين = ماهي عليناا عليكم ياوسيع العرف منها شبه

الحلق ياراعي العلطا ترى مادونه الا اليدين=افتك عمرك من الكهرب قبل لا جيك والسعك ابه
اثرك في مستون عالي وانا كنت احسبنك دوين= ومن كثر ماتسجد لربك تبين في ظهرك احدبه

الحلق يا الشيخ ابن جودان عابـ(ن)له ترى لقمتين=قصيدنا صار بـ التقصيد والشاعر يدق رقبه
عالي وغيري تحت و الخصم انا عابنله المارتين=والكهربا نانحط الكف من دونه ومعي اخشبه

لون مرزوق علمكم فنون اللعب يالباديين=ماكان صرتو كذا ياربعي العتبان فالملعبه
ماودي اقول قولٍ يفرح العدوان والشامتين=والحر وده يطير وصيدته ياهن في مخلبه




اخوي راعي العلطا صح لسانك
واشكرك على رحابة صدرك
واعذرني على القصور

تحياتي لك

صح بدنك ولا خليت لرحابه الصدر شي وانا اخوك
هههههههههههههههههههههه :)


شف ال V I P انا بلشت ابك انت وقبلان وكلكم شر