بيني والشاعر عبدالله المرشدي,,,,,

هذه القصيده صوتي وصدى الشاعرالكبير عبدالله المرشدي...

والتي اعاتب فيها في البدايه ثم اسند لابو بدر..

اقول في قصيدتي:


قلبي معك شايله من فضلك ترجعه=اترك حركاتك اللي مالها داعي
من قبل لا تاسره وبحبك اتنقعه=يازين لاتزيد فوق الهم الاوجاعي
هذي نهاية شهر عن حبك انشجعه=لكن قلب العنا للدرس ماياعي
القلب كرسي سموك فيه متربعه=حبٍ حقيقي ترا لزقه وشماعي
اباارسل ال شاعرٍ والشعر مارقعه=شاعر وينحت صخر وافكاره اوساعي
الزين فيها و فيها الكبر و مسبعه=لكني مادري واظن ابحبه اطماعي
عبدالله العلم مابه غيرماتسمعه=ذكر القضيه مابين الناس قد شاعي
الشورعندك ومنك الراي هات اجمعه=عطني جوابك علن يابعيدالارماعي
نبقا على عهدهاوالا ترى نقطعه=خابرك مبطي بسيف الحب قراعي

ورد عبد الله يقول:



ياحي قافٍ شكى راعيه في مطلعه=من جور خلٍ لحبل الوصل قطاعي
ياحيه وحي منهو حاوله وارمعه=واعنز عليه وانا لبيت فزاعي
البارع ان كان خلك باع باكر بعه=ماهوب كفوٍن لمثلك يلوي اذراعي
مادام عهد الوفا والوصل معك مزعه=منته لمثله ولومن كان تباعي
وان كان بس يتغلى دلعه وامنعه=مطواع مره ومره منت مطواعي
جافه اشويه وراضه عاد لا تفجعه=ترا الضبي لا جفل مامنه مرجاعي
البيض تلقى بعضهن قانعه امقنعه=والبعض الاخريجن بدق الاصباعي
ان طحت في حبهن يدخلك في معمعه=مامنهن الا عذاب وهم وصداعي
ترا هواهن جحيم انحاش لاتتبعه=والقاعده ثابته في كل الاوضاعي
هذا جوابي بقافٍ يطربك مسمعه=وانا معك حاضرن باللي تبي ساعي