أحمد الله ياعتيبه مــال أحد فضلٍ ومنـــه
الحر الأشقر16-Sep-2003, 09:25 AM
أحمد الله ياعتيبه مــال أحد فضلٍ ومنـــه
..............................................من عتيبه في مجال الشعر شَهرين الأســـامي
لبّســوها بالســروج وجوّدهـا بالأعــــنه
..............................................شف حبيب والعصيمي وأبو وافي والــزلامي
السيل16-Sep-2003, 01:26 PM
أحمد الله ما معي في ربعنا شكٍ وظنه
-------------------------------الرجال اللي يردون البراء غاية مرامي
يوم اشوف الشعر والعتبان كن الشعر كنه
------------------------------عاقلينه بالعقال وخاطــــــمينه بالخطامي
وصل العطياني؟؟؟16-Sep-2003, 02:40 PM
يا سلااااام يا سلاااااام
شاعرين متمكنين
وبداية تنذر بمحاورة جميلة
الحر الأشقر
السيل
واصلوووووا والله يوفقكم
تحيااااااااااتي
الحر الأشقر17-Sep-2003, 10:06 AM
بيض الله وجهك يالسيل وبيتين بمنتهى الجزاله وصح لسانك.
وشكراً أخوي وصل على مرورك.
كل من يسمــع بيوتـــــــك يالعتيبـــي هيضــــنه
....................................بيض الله وجهك ووجــه الرياجــــيل الحشــــامي
المـــياديــن أثبـــــتنه والتـــــــواريخ اكـــتبـنه
...................................ما لحقـــك ولا لحقنـــي ياولــــــد عمي مــــلامي
السيل17-Sep-2003, 05:22 PM
وصل العطياني
هلا بمشرفنا
ومرورك شرف
يالغالي
السيل17-Sep-2003, 08:21 PM
الحر الاشقر
الله الله الله الله
فيه للشعـــــار نار وفيه للشعــــــــار جنــــّــه
---------------------------------------والحقيقه مثل نور الصبح جلاي الظلامي
والجمل مازال طيّب ياجماعـتنا لكـــــنّــــــــه
---------------------------------------فيه زودً فالردوف وفيه نقص ٍ فالسنامي
الحر الأشقر20-Sep-2003, 10:00 AM
الذهب والماس والفولاذ جــــبته من مغـــنه
..........................................وإلك تقديــري ومـــوده وإلك موفـــور إحترامي
والجمل ياصاحبي قامت تناهشـــه المجنه
.............................................يبكي عدود الرهى اللي جمها يروي الظوامي
السيل24-Sep-2003, 04:47 PM
الفهــــــــــــــيم اكيد صكات الليالي علمنّــه
---------------------------------والغشيم اللي مايفهم فالحلال وفالحرامي
الجمل ماكثر حنينه حنة(ن)من عقب حنّه
---------------------------------في يد القصاب والقصاب قصاص العظامي
علي فلاح العضياني07-Feb-2005, 07:24 PM
محاوره لا تنسى والعقول تقر بها
بعيـد المرامع07-Feb-2005, 10:29 PM
محاوره ..لله در شعارها..
لاهنت يالفالح على رفع الجزاله ..والله يرفع منزلتك ..دنيا وآخره..
بعيد المرامع
مرزوق حمدان العتيبي07-Feb-2005, 10:50 PM
...
اشهد بالله انها الجزاله بحذافيرها
شعراء مذهلين ومتمكنين..
شكرا لك يالفالح وانت فالح فالطيب وفي زين اختياراتك.
الــوآفــي07-Feb-2005, 11:26 PM
الحر الاشقر
السيـــــــــل
ابدااااااااع ورووعه
عسى الله لا يهينكم واصلوا
محاوره اكثر من راااااااائعه
لله دركم من شاعرين
اخوكم ذيبان
