العازمي يبغاله فرمته من جديد !!!!
علي فلاح العضياني15-Jan-2008, 10:08 PM
يالشاعر اللي تبا لك فرمته من جديد=الكلمه اللي تنقّد خلّها خلّها
العاقل اليا هرج يبدي برايٍ سديد=والعقده اليا وجدها حلّها حلّها
أبو مرحبا15-Jan-2008, 10:11 PM
يالصاحب اللي تبا لك فرمته من جديد=الكلمه اللي تنقّد خلّها خلّها
العاقل اليا هرج يبدي برايٍ سديد=والعقده اليا وجدها حلّها حلّها
يسلام عليك ياالفالح ابدااااااااااع
مــــتــــابــــــــــع
فالح الكرنافـ15-Jan-2008, 10:12 PM
صح السانكـ يالفالح
وبيضـ اللهـ وجهكـ
ونتظر الشاعر العازميـ
اخوكمـ
فالح الكرنافـ
معجب العتيبي15-Jan-2008, 10:21 PM
الفالح اخلص وش ناوي عليه؟
ترا العازمي ماهوب سهل يبي يفرمتك وينلقب السحر على الساحر ههههههههه
سجلوني متابع للأبداع
أبو نجر النفيعي15-Jan-2008, 10:23 PM
..
صح لسانك يابو فلاح يالمفرمت :)
وصح لسان العازمي مقدما :)
:)
أخوكم
متاااااااااابع
عيد العازمي15-Jan-2008, 10:27 PM
الظاهر انّه مضرّى بالغلط هالوليد = والحامنا للحديده فلها فلها
سولف بعلم العقل وابشر برايٍ رشيد = واصحابنا اهل السواير قلها قلها
علي فلاح العضياني15-Jan-2008, 10:28 PM
ابو مرحبا
فالح الكرناف
سارح البال
ابو نجر النفيعي
صحت ابدانكم الابداع والله مروركم يالغالين والله كل واحد منكم اله حق وواجب والمعذره على القصور
السميــــــري15-Jan-2008, 10:29 PM
صح لسانك يالفالح ..
ولسان العازمي ..
سولف بعلم العقل وابشر برايٍ رشيد
واصحابنا اهل السواير قلهـا قلهـا
متابع لكم ..
علي فلاح العضياني15-Jan-2008, 10:31 PM
قتلت روح المعاني في بيوت القصيد=والشعر منكم دموعه هلّها هلّها
اليا بغيت الحقيقه والكلام الاكيد=فاتت عليك الفريضه صلّها صلّها
عيد العازمي15-Jan-2008, 10:32 PM
ابو مرحبا
فالح الكرناف
سارح البال ( ابو سلطان خلك قريب الفالح ناوى الشر هههه )
ابو نجر النفيعي
السميرى
نورتو وشرفت و وهلابكم
فارس الباديه15-Jan-2008, 10:32 PM
صح لسانكم ..
الفالح & العازمي
دائماً مبدعين ..
وطاروق مميز ..
عيد العازمي15-Jan-2008, 10:42 PM
ترى المعاني مع الشعار طلعٍ نضيد = مابين ناسٍ تشابه دلها دلها
يازبدة الهرج ضايق من رسالة بريد = غلطان ياللي سيوفه سلها سلها
بندر الهيلا15-Jan-2008, 10:48 PM
الفالح/ قتلت روح المعاني في بيوت القصيد000والشعر منكم دموعه هلّهـا هلّهـا <<<<<<<<<< لله ردكــ .. يابو فلاح .. تمكن متعمق منذ مبطي
العازمي / صح لسانك يالغالي وردود متناسقه مع البيت
علي فلاح العضياني15-Jan-2008, 10:49 PM
عندك بطاقه ولا فالبنك تملك رصيد=بطاقتك وسط مويه بلّها بلّها
انا بعيد الهقاوي والمرامي بعيد=أغزي واجيب الغنايم كلّها كلّها
عيد العازمي15-Jan-2008, 11:05 PM
صحيح بنك الفلس لو اصله ماستفيد = لكن فرصتك نفسك سلها سلها
يالله عسى الفالح الليله يروّح شهيد = يامل نفسٍ تكابر ملها ملها
محمد العضياني15-Jan-2008, 11:07 PM
الفالح والعازمي
ابداع يستحق المتابعة للفائدة
صحت الالسن يا كباتن
سلطان بن ثعلي15-Jan-2008, 11:13 PM
الفالح صح اللسانك
العازمي صح اللسانك
هاذي المحاوره الجزلة
بين شاعرين جزلين
والليل ياشعار واصلواا
وانا في صف الفالح ولايهون العازمي
علي فلاح العضياني15-Jan-2008, 11:16 PM
لو غاب عنّا ترانا ما نعدّه فقيد=وان جا كبود الجماعه علّها علّها
اركب على اللي ليا دست له عزمه يزيد=وان ضاقت بك الوسيعه تلّها تلّها
عيد العازمي15-Jan-2008, 11:16 PM
البواردي اشهر من نار على علم انت
لاهنت على المرور
سلطان صح بدنك
وصفك كااايف مادام الفالح قدامه
علي فلاح العضياني15-Jan-2008, 11:17 PM
اشكر الاخوان اللي شرفونا
والحقيقه نوروا الصفحه
تحياتي
فارس الباديه15-Jan-2008, 11:21 PM
[صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles) [صورة غير متوفرة] (http://www.s77.com/index.php?t=smiles)
الليل الليل .. صح لسانكم .. وانا بالصف
عيد العازمي15-Jan-2008, 11:32 PM
خساره العلم مايثمر بقلبٍ بليد = اله الدقاقه وقسمي جلها جلها
ماني بتارك في وجه المشاكل وحيد = لامن نفسك تزايد غلها غلها
علي فلاح العضياني15-Jan-2008, 11:42 PM
طيّب يا مستور مدري يالزلامي رشيد!!!=بالله الالغاز هذي حلّها حلّها
اللي سواتك عجل بالحيل يا أخّ عيد=كل الاشارات قدمه زلّها زلّها
عيد العازمي15-Jan-2008, 11:57 PM
الظاهر انك لابن حوقان ظنّي طريد = والموت يانفسٍ اقبل ذلها ذلها
يازين توقيع ابن ثعلي ولكن مريد = والعازمي منه كبده بلها بلها
علي فلاح العضياني16-Jan-2008, 12:08 AM
مدام ما جت لك الدنيا على ما تريد=يا راعي الضين الابيض فلّها فلّها
ابوي وصّاني بعلمٍ لقيته مفيد=ايقول عين المعادي خلّها خلّها
عبدالله بن دبيس العتيبي16-Jan-2008, 12:18 AM
بسم الله الرحمن الرحيم
السلام عليكم ورحمة الله وبركاتة
صح السنتكم جميعا و نتظر بقية المحاورة
وتقبلوا تحياتي
عيد العازمي16-Jan-2008, 12:18 AM
ماباقي الاتنوشك يابسات الجريد = الارض لدنه ودمك طلها طلها
العازمي للارانب في ديركم يصيد = والطرقه اللي يباها دلها دلها
سلمان الروقي16-Jan-2008, 12:25 AM
الفااااااالح صح الساااااااااااانك لأهنت
العاااااازمي صح الساااااااانك لأهنت
علي فلاح العضياني16-Jan-2008, 12:27 AM
انته كما الضبّ في جحرك وتاكل رديد=وبنت الهوى ما لها الاّ خلّها خلّها
هذاك ابن ثعلي اللي حدّ سيفه حديد=واليا لقى الوضع فلّه فلّها فلّها
عيد العازمي16-Jan-2008, 12:45 AM
تومي براسك ماكنه غير راس الهريد = الثانيه ياعليوي شلها شلها
يالله عسى صاحبي فالوقت دايم سعيد = دلوك على عد تيما دلها دلها
علي فلاح العضياني16-Jan-2008, 12:57 AM
العازمي من كثر ما جاه عانه مسيد=اللي يعشق المشاكل ملّها ملّها
هذا اعترافك على نفسك ما عندك جحيد=جبت الحقيقه وجت في حلّها حلّها
بندر الهيلا16-Jan-2008, 01:55 AM
طيب طيب
الفالح / ابداعـ ... جزالهــ ... وصف متناسقـــ ... وحبكـ للمعنـى
العازمي / ردود وافيه من شاعر وافيـ ...
صح السنتــــــــكمـ .. ..
علي فلاح العضياني16-Jan-2008, 02:24 PM
سلمت يا بندر الهيلا
ويعطيك الف عافيه
عبدالرحمن الهيلوم16-Jan-2008, 02:39 PM
كبتن عتيبه16-Jan-2008, 04:30 PM
طاروق مميز
بتميز شعراه
لا هنتم
عيد العازمي16-Jan-2008, 09:40 PM
الفالح صح السانك
والشكر موصول لكل من تابعنا
عبدالمجيد الثعلي16-Jan-2008, 11:37 PM
علي العضياني + العازمي
صحت ألسنتكم لاهنتوا
بيّض الله وجيهكم كفيتوا ووفيتوا
علي فلاح العضياني17-Jan-2008, 09:31 PM
اشكر
جميع الاخوان اللي مروا ونوروا الصفحه
علي فلاح العضياني23-Jan-2008, 01:30 AM
كبتن عتيبه
شكرا على المرور
عبداللــه الأسعــدي23-Jan-2008, 02:47 AM
مشكوور اخووي صح لسنتكم كلكم
علي فلاح العضياني23-Jan-2008, 03:15 PM
عبدالله الاسعدي
صح بدنك طال عمرك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
