الطارف سديد

من ظمير الشاعر الي ماتغير في كلامه = حسب تصريف الحروف وحسب تصرف المعاني
مرحبا ترحيبة ٍ تمشي على درب السلامه = السلامه نعمة الي ماعرف طعم الاماني

من ظمير الشاعر اللي ماتأخر في سلامه=حسب ردة فعله اللي ماتأخر فالثواني
البقا ياللي ترحب وانت ماحولك ملامه=وامنياتك لاتخليها لو يطول ابك الزماني

من ضمير الشاعر اللي ما تغير في نظامه = يرتقي بالشعر لين الجدي وسهيل اليماني

البقا ياللي ترحب ماتبا درب الملامه = جاك مطلوبك ولاترجع من العشر لثماني

العذر منك يا سااارح الباال كنت الرد ما انتبه لك طاال عمرك

واصلووو وانا متابع للاخير

وبصف ساااح ولايهوون عبدالله

ههههه هذي المره ماحد سبقك الظاهر ماغير انا وانت الي دايم نسبق فاللعب

استلم استلم


من يجيب الطيبه ماقٌل فالوقت احترامه = ماعلى الجاهل ملام ولا على العاقل ظماني
العتيبي علق المفتاح في جنب العمامه = بعد هدٌينا المباني منت لاقيلك بيباني

هههههه
حسن ابن شامي

دايم تحصل معناا وقبل شوي صارت معاي وسارح يقول ياكثر ماصارت معاي معذور وانا اخوك .. لاهنت على مرورك يالذيب

من يجيب الطيبه محدنٍ كره جملة كلامه=وكل رجال يتخير في فالقواصي والدواني
والله انه مالحقنا ياولد عمي رخامه=والتوالي نحتميها ياعميلي والمباني

الوفا والطيب من طبع الرياجيل النشامه = والردي يعقد واذمٌه لو يكون من الخواني
نعم فيكم وانتم اهل المرجله واهل الزعامه = ربعنا الي فالملاقى ماتطيح من الحصاني

الوفا والطيب للرجال ماجات بمنامه=والدروب صعيبه وموقف زمانك قلباني
ماعليكم زود يارجال مافيكم غشامه=والكلام اللي تقوله ماخفاك ولا خفاني

عبدالله حبيب الزراقي صح الساااااااانك

سااااارح الباااااااال صح الساااااااانك



إبدعتو ياشعراء


تحيااااتي,,,,,

العثيره خابرينه مايذكي له حمامه = لو يحوش من الهزال ولو يحوش من السماني
والشجيع الي على الوقفات مايذخر حزامه = من نصاب السيف ولا من رصاص الجبخاني

سلمان الروقي

الابداع وجودك صح بدنك لاهنت

اتركه يابو حبيب ماعلينا من نظامه=لو طلع ياصاحبي والا نزل جرف وطماني
الشجيع اللي تقوله يعجبك وقت احتزامه=عنده العشره ليامن قام ماترجع ثماني

الله الله
واصل واصل

المعذره توني انتبه لردك والله

صح لسانك على المحاوره الطيبه ياسارح القاف اخذ حقه وحبل الافكار انقطع المحاوره اذا ماهي مباشره تفقد طعمها ههههههه

المعذره توني انتبه لردك والله

صح لسانك على المحاوره الطيبه ياسارح القاف اخذ حقه وحبل الافكار انقطع المحاوره اذا ماهي مباشره تفقد طعمها ههههههه

صح لسانك
وكلامك صح

وتشرفت والله يابو حبيّب انك من الناس اللي اسعد بمجاراتهم