( قصيدة رثاء في الملك فهد بن عبد العزيز رحمه الله)

أقد لكم هذه الأبيات التي من أرشيفي القديم

أمل أن تنال أعجابكم ::

بأسم الولي نبدأ وهـــو خير معــبود = هوخالق الأمــة ومحصــي عـــددها

كلن من العـــالم له أجـــل محـــدود = والنفــس تقبض يــوم يأتي وعــدها

من الخبـر جاني على الكبد صــاهود = ودموع عيني جــات تجري جــهدها

قالــوا توفى راعي الطــيب والجــود = والمملكــة تبــكي لفقــدت فــهدها

على الفهد يبكي ترى الشاب والعود = وحتى الصغار اللي بداخــل مهـدها

عــهد الفـــهد كله ترى أزهــار وورود = كــل المعــالي أبــو فيصــل وردهـا

في خدمة الأســلام له جـهد مجهود = وتشــهد لـه البيتين وكلن شــهدها

وله وقفة يوم الليالي أصـبحت ســود= والــرش يمطــر والمدافــع رعــدها

مقــام به مـاهــو محصــى ومعــدود = فضــايــلة ماني محصــي عـــددها

عســــاه للجــنة ماهــــــبت النــــود = وأعـــداد من لبــا ومكــه قصــــدها

وحـنا عــزانا في الفــهد بعده فــهود = بنــيــة يــاعـــــــزز الله عــمـــــدها

مــادام عبـــدالله يانـــاس مـوجــــود = العيــــن والله مايجـــــيها رمـــــدها

هــذا ملكــنا هــو ذرى كل مضــهود = بقـــدوم عبدالله يقــــدم ســــــعدها

مشهود له بالطيب مشهود مشهود = ذخر الملـــــوك اللــــي تثبت بلـــدها

ولـي عهــده بالوفاء حبـــل ممــدود = ســـلطان ســـلطان لليـــال وسندها

دايــم وأبو خــالد من الكــل محمود = كبـــود العطـــشا واليـــتـــامى بردها

منــا الـــولاء دائم هــو لأل ســـعود = من الملك ذلحــــــين لأخــــر ولــدها

ونجــــدد البيــعة ونجــــدد عهــــود = قبــيـــلة ال جعــــيد علـى عهـــدها

تم الكلام اللــي من الفكر مســرود = مثـــايلن شــــاعر عتيـــبه ســــردها

وصلاة ربي عـد مـاحجــوا أوفـــــود = علـــى الــــذي بيـــن للأمــة رشـدها




.

صح لسانك يابو وافي عز الله انك وافي
والله يرحم فهد

صح لسانك يالجعيد وبيض الله وجهك

على الفهد يبكي ترى الشاب والعود *** وحتى الصغار اللي بداخل مهدهـا

صدقت يا ابو وافي صح لسانك وبيض الله وجهك

والله يطول في عمر ملكنا ملك الانسانيه ابووعابد

صح لسانك يابو وافي عز الله انك وافي
والله يرحم فهد


محمد

صح بدنك يالقرم ولاهنت


تحيتي

صح لسانك و عساك علي القوه

صح لسانك يالجعيد وبيض الله وجهك


معجب العتيبي

صح بدنك ولاهنت


لك تحيتي