الزلامي والساني (( حبك وسبك ))

السناني

ياسلامـي عليكـم بالتـظـام الجـديـد
والريـاجـيـل مايهتـزمـقـدارهـا

الحنتاتيـش لاغـاب الزلامـي رشيـد
يم قبـر العطـاوي تلفـت أنظارهـا


الزلامي

مرحبا وأنت ضيفٍ جاينـا مـن بعيـد
عند ربعٍ تشـب النـار مـن نارهـا

إترك النـاس لوتـروح واحـد وحيـد
والقنـاوات لاتاخـذ مـن أخبـارهـا

السناني

البقايالزلامـي مـن هــو المستفـيـد
كان طاحت كبار القـوم واصغارهـا

وانت شيخٍ من الروقـه وباسـك شديـد
صافح شيوخ برقى طالـت اعمارهـا

الزلامي
مايضد الحديـد الصلـب غيـر الحديـد
وانـت مالـك بمدخلهاومضهـارهـا

كان ودك تمادى فـي العـذاب وتزيـد
سوقهالين تبـرك بـك علـى زارهـا

السناني

رأس ابو زيـد يبكـى والفقيـد الفقيـد
علـم أصحابنـا لاتخـرب شعارهـا

عشت وانت وحيد وموت وانـت وحيـد
خطتـك شيلهـا لاتكشـف اسرارهـا

الزلامي

انت وشلـون جبـت السالفـه ياعنيـد
جبتهـا مـن يميـن الدارويسـارهـا

يفعـل الله بخلقـه مايحـب ومايـريـد
فالعرب شر واجهينـه مـن اشرارهـا

السناني

الكتـاب الموثـق والـكـلام الأكـيـد
قالـو البورصـه مختلـه اسعـارهـا

انت اضنك تقـول فراقهـم يـوم عيـد
الله اكبـر علـى الحفـره وحفارهـا

الزلامي
كـل ماقلـت شيطـان العروبـه يهيـد
جتك بنـت الحـرام تـدق مزمارهـا

وان رميت السهم مدري السهم وش يصيد
جعلهافـي بعيـر القـوم وحمـارهـا

لاهنت على النقل يالوافي

وبانتظارر جديدك

محاور رائعة

مشكور وماقصرت

.
..
الله اكبر على الجزاله واهلها
..
جنيه الذهب وصنفرة الشعار ...
وابداع غير مستغرب ............. لاهنت ...

مشكووووووووووور يا وافي الخماش . بس ياليت تتأكد هل توجد أخطاء إملائية .

محارة قمة اشكرك عليها اخوي وافي..

الله يبيض وجهك يالغلا

جنيه الذهب ورشيد الزلامي

اكيد وبلا شك محاوره جزاله ولا عليه غبار

تحياتي

لا هنتم وشاكر لكم مروركم .. بالنسبة للآخطاء الاملائية تعرف يا ولد الاخطاء المصبعية وان شاء الله اعدلها..