ابن سرحان و النير والجذع
منشي نويشي12-Feb-2009, 10:02 PM
السلام عليكم ورحمة الله وبركاته
سلام الله سلامِ فيه للحضار شر وخار=نعده للرجال الي ليا عدو يعدونه
ابن سرحان طب المنتدى ثم هجوا الشعار=يقولون الجذع منحاش حال النير من دونه
زياد المزرمي12-Feb-2009, 10:05 PM
الله الله
صح اللسانك يا منشي
مبدا كايف
وفي انتظار الاسطوره
منشي نويشي12-Feb-2009, 10:07 PM
فايز بن سرحان الثبيتي12-Feb-2009, 10:17 PM
منشي نويشي
الله يسامحك هي الشوش معقده مايحتاج
صح لسانك
وفي انتظار الاسطورة
منشي نويشي12-Feb-2009, 10:20 PM
حياك يابن سرحان وانت المطلوب مهوب الجذع
الجذع يتقهوى من ورى النير هههههههه
ولا عنده وسيلة اتصال:)
محمد شبيب السبيعي12-Feb-2009, 10:24 PM
صح لسانك يا منشي على البدعه الكايفه تحياتي لك
منشي نويشي12-Feb-2009, 10:25 PM
فايز بن سرحان الثبيتي12-Feb-2009, 10:54 PM
هلا يامرحبا ترحيبة ٍ مثل المطر والنار = وانا شاعر على سبل الوفا نهجه وقانونه
بعد ناديتني باسمي وخليت العرب تحتار = ابسولف معك والقوم من هرجتك مغبونه
منشي نويشي12-Feb-2009, 11:14 PM
عسى فيك البقى وابليس حطه بين نار و غار=يسرونه هل الاهواز ولا مايسرونه
مادام اني بوصط السوق ابنقى ياولد واختار=ولاني راجين بعض العرب قدره وماعونه
فايز بن سرحان الثبيتي12-Feb-2009, 11:25 PM
تهرج يالنويشي لا يجي علمك علاه غبار = قبل لاشوف قافك شايب ٍ يمشي على شونه
انا وياك والطرقه طويله والعلوم قصار = وموترنا جديد ومشكتنا في دركسونه
منشي نويشي14-Feb-2009, 11:57 PM
ابن سرحان انا اسف على التاخير
ضرف طاري
واستلم
بنوك اسويسرى فيها الجنيه وعمه الدولار=تحبون الجنيه الكاش ولا ماتحبونه..؟؟
على الباب المعاون تك خل الكبتن الطيار=وبو ريان في باب المعاون تزلم عيونه
عبدالله الجـــذع15-Feb-2009, 03:16 AM
الله
ابداع * ابداع
صحت السنكم وقلوبكم شعرائنا
واصلوا
محبكم
.,
منشي نويشي15-Feb-2009, 03:25 AM
الله
ابداع * ابداع
صحت السنكم وقلوبكم شعرائنا
واصلوا
محبكم
.,
صح بدنك يالجذع وحياك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
