سلطان الهاجري وزبن القاضي أين وجهوا البوصله !!؟؟

من حفلة الرياض الاسبوع الماضي التي جمعت

ملفي المورقي والهاجري وزبن القاضي وابن زهره والجلاوي

سأطرح أحد الطواريق وربما أطرح بعده طاروق أخر من الحفله


لعب زبن القاضي وسلطان الهاجري طاروق رائع أعتقد أنه اللقاء الأول بينهم في ساحة الميدان .



طاروق لا أعلم أين وجه الشاعرين مساراه


هل كان في شاعر المعنى !!!

أو

أبعد من ذلك خصوصا حين أقراء ( أرصده ستجمد ومطارات ستغلق وبطل لم يمت إلى الان !!!!)


زبن القاضي
يالهاجري نهار رصد الدرجات=شفتك تفكر ناوين لك قصيده
والناس صارو يكشفون الحسابات=ماعاد احد فالبنك يضمن رصيده




سلطان الهاجري
اثرك يالقاضي تراقب عربسات=لكنك عينك ويش هي مستفيده
ماعاد من بيني وبينك علاقات=قطع علاقتك وحيده وحيده




زبن القاضي
قدام تعلنها الصحف والمحطات=خلك على السنه ونهج العقيده
الاوله ننشدك عن كل مافات=والثانيه لن رحت مانت بفقيده




سلطان الهاجري
استخدم الجوال وارسل على الشات=والله يدبر مايشاء في عبيده
قدامك المرحوم ياسر عرفات=اخذه ربي مالقاء مايريده




زبن القاضي
وراك ماخليتها بالعلامات=حتى نقول انتجت جمله مفيده
ياسر توفى والبطل حي مامات=ونص البشر تموت ماهي شهيده




سلطان الهاجري
ماجلس الاحياء على قبور الاموات=فرق العقول الاذكياء والبليده
حجزت تذكرتك على احدا الرحلات=واقول لك سافر ورحله سعيده




زبن القاضي

ياموزعين الاوسمه والشهادات=ماكل من غناء يسمى وليده
وانته نبا نقفل عليك المطارات=حتى تهيد العالم المستبيده




سلطان الهاجري
اخير من توزيعك الابتسامات=بعض الوجيه اليا ابتسم عض حيده
اثرك يالقاضي تسوي حركات =ومصاحبن شلة عدن والحديده



زبن القاضي
الناس فالدنيا شعوب ومقامات=ياللي تحبون الوجيه الجديده

حي الله المشرف الغالي ابو فايح

بالنسبة للطاروق

مااقول الا

وسومها فخدودها

وتقبل تحياتي

يعطيك العافيه يابو فااااااايح


تحيتي

الله الله الله


روعه ومتعه وتشويق .. وجدتها في هذا الطاروق



صح الله لسااانك الشاعرين ..


زبن القاضي و سلطان بن وسام


وبيض الله وجهك يابوفايح
..

ابو فايح

فعلاً طاروق كبار وشعر على اصوله

وهكذا الشعر


اشكرك على الاختيار الراقي

طاروق ممتع ورائع بين عملاقين


سلمت يمناك يابو فايح

اتوقع ان المعنى على حسني مبارك والله اعلم

والناس صارو يكشفون الحسابات
ماعاد احد فالبنـك يضمـن رصيـده

يمكن يقصد نشر موقع وكليكس لـ ارصدة حسابات في البنوك السويسرية

لي عودة مع الموضوع

كل الشكر يا مدير

لاهنت يا ابو فايح على الموضوع الشّيق

ومحاورة عمالقة بالفعل يصعب تحليلها

ولكن ياقربها من ماقاله سيف شامان أو سيول جدة وشلّة الفساد

عموما طاروق ممتع للغاية تسلم يمينك

الله الله

صحة الالسن طاروق رائع

ولاهنت يابو فايح

الناس فالدنيا شعوب ومقامات
ياللي تحبون الوجيه الجديده

البيت هذا من وجهة نظري واضح جداً إن المعنى يم مظاهرات الشعوب لتغيير حكامهم

مشكوور على الطرح
الجميل واعطاك
الله 100عافيه
مع تحيات
منصور
الثبيتي

سلمت ياذيبان على الاقل حركت المنتدى شوي . . طاروق رائع . . المعنى القصايد الاستعطافية صارت مكشوفة

طاروق نآري :)





وحذف ماهوب صاحي :)





وأنا أعتقد من ناحية وأجزم من ناحية إنً المعنى سياسي بحت ،،





ياسر عرفات << تشبيه لشخصية عملاقه شجاعه وأعتقد لا تخفى عليكم ;)



عربسات << :eek:




ارصدة وحسابات << مثل ماذكرتم فالمشاركات السابقه







رمعت والعلم عند الله :)






لاهنت يابو فايح ،، : )

يعطيك العافيه يا بو فايح

طاروق ممتع جدآ

ماكنك نسيت الموضوع يابو فايح


عطنا تحليلك طال عمرك

يعطيك العافيه يابو فايح

وصح السان القاضي والسان ابن وسام

لو انا توقعنا منهم دفن وتغطيه للمعنى اكثر "

حيالله الجميع فردا فردا وبيض الله وجيهكم على مروركم وتفاعلكم



الاخ فهد العازمي

لو اني متأكد من المعنى بنسبه كبيره ذكرت ذلك ولكن أنا محتار بين ما ذكرت


الاخ ابن سرحان

حياك الله بعد الغياب الغير مرغوب من أمثالك وتمنيت أنك وضحت ما رأيته مكشوف من الشاعرين .

شكراً على النقل الرائع وصح لسان الشعراء شعراء كبار عمالقه ومعنى مبرم و
وكما قالو المعنى في بطن الشاعر

القراءه قد تختلف من شخص لآخر ولكن المعنى لن يختلف بالتاكيد و ما قرأته بين السطور ليس من الممكن طرحه هنا ولكنه كان واضحا ً لي من الوهله الاولى
والاكيد ان القاضي كان يمثل فئه معينه والهاجري كان يمثل الفئه الاخرى المقصوده من كل ماطرح "
و مفترق الطرق من بيت الهاجري الذي لامس فيه الخطوط الحمراء :

قدامك المرحوم ياسر عرافات
اخذه ربي مالقى مايريده



واعتقد ان ياسر عرفات رمز لشخصيه معروفه في عتيبه على ساحة الاحداث دائما ما يتم توضيفها اعتقد ان الهاجري وضفها في المعنى للرد على ابو نهار

وما يؤكد كلامي رد ابو نهار الذي جاء في محله لان المعنى انكشف بشكل مفاجئ وغير مناسب ابدا ً من الهاجري

وراك ماخليتـهـا بالعـلامـات
حتى نقول انتجت جمله مفيـده

اعتقد ان هذا البيت من ابو نهار جاء في وقته وكان بداية الدفن الاجباري والحقيقي للمعنى

لاهنت ابوفايح على النقل الرائع


تقبلوا مروري تحياتي