عهد ابو متعب

أبيات كانت في مناسبه عسكريه خاصه بالحرس الوطني

أمام/ صاحب السمو اللواء الركن الأمير/تركي بن عبدالله بن محمد بن سعود الكبير





ياموطن العز والتاريخ والهمه = من شيدك بالسطر مانكس اعلامك

مسراك عن قمتك للرفع في قمه = معروج بك للفضا من وحي حكامك

ال سعود بشريعة هادي الأمه = وسيوفهم تنحت التاريخ باعوامك

تكسر بك اللي دواه الكسر والضمه = ضمة مخالب صقور ٍتشلع اخصامك

حكام وان جابوا الحكام ملتمه = بافعالهم تصبح الحكام خدامك

نهج السلف للخلف بالعهد والذمه = يرحل مليك ومليكٍ يبرم خطامك

بامر الولي مالحقك بحكمهم غمه = تداولت بينهم بامر الله ايامك

واليوم في عهد ابو متعب ولا همه = الا يحقق وطن لك كايد احلامك

شيخ ٍولو قام بالعكاز لمهمه = يدحر عدو ٍيموت بغبن ماضامك

ويجود من جود ربه خير ويعمه = غيثٍ جعل نسمة الكادي مع انسامك

نقول له والمشاعر وجهها يمه = ياسيدي من يحطم بعدك ارقامك

كم حاكم ٍقام ضده شعبه وذمه = لكن شعبك مناه يموت قدامك

ياسيدي والحرس بالروح وبدمه = يفديك مادامك التاريخ مادامك

خص اللوا اللي يقوده لافهق كمه = تركي وحطه على يمناك وحزامك

ابن الكبير وكبير بخاله وعمه = رمحك لياشنت الغارات وحسامك

وابختم القاف عند الليث واتمه = والله يحفظ وطن لك منهج اسلامك

وياموطن العز والتاريخ والهمه = من شيدك بالسطر مانكس اعلامك





نادر بن بن محمد بن طريخم

..

ابيض وجه وصح لسانكــ يانادر
والحمدالله على السلامه واخر الغيبات

صح بدنك يابو حمدان
أسعدني مرورك
تقبل التحيه