والله إني...

السلام عليكم ورحمة الله... وكل عام وأنتم بخير أبيات أتمنى أن تحوز على شئ
من استحسانكم:


والله إني من هلال إليا هلال=ودي التوبه وكم لي قد نويت
ملت إذني من صدى نفس السؤال=من صروح الأجر بالله وش بنيت
مشغلٍ نفسي ورا روح وتعال=لو بدقق في حياتي مالقيت
للعذر في مامضى أيت مجال= كم كتبت وكم قريت وكم محيت
غرني طيشي وأنا أرخيت الحبال=كنت أجامل بالمعاصي ما استحيت
ماهو جهلٍ بالحرام وبالحلال=مير اصدد عنه كني ما دريت
ما دريت إني على جرفٍ هيال=يوم بكره أو قفيه وانتهيت
عمري اللي من شروق إليا زوال=يوم أفكر فيه مدري وش جنيت
ياإله العرش ربي ذا الجلال= معترف بالذنب لكن ما نسيت
إن باب العفو باقي لا يزال=وإنك اللي تقبل التوبه وجيت

وسلامتكم

صح لسااااااانك

الله يقبل منا ومنك


صالح الاعمال

وانت سالم وغانم وصح لسانك

ومن حس بالتقصير ادا واجبه والله يوفقك

تحياتي لك

الله يهديك لدرب الهدايه ويتقبل توبتك ويثبتك على الاستقامه
وصح لسانك ع القصيده

صح لساااااااااااااانك

صح لسانك ياطارق



التائب عن الذنب كمن لاذنب له

وكلنا مقصرون مهما عملنا


من منا ليس عليه ذنوب الله يرحمنا برحمته


تمنياتي لك بالتوفيق

,,

صح لسااااااااانكــ

يا طارق الثعلي

والله يقبل منّا ومنك ومن جميع المسلمين الصالح من الأعمال.

قصيدة جميله وننتظر المزيد.

,,,,,,,