مرزوق المقاطي و عيد حطاب العضياني ..

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ مرزوق المقاطي مع الشاعر/ عيد حطاب العضياني ..





مرزوق المقاطي
يا من لقى لي عيد بن حطاب /:/ بين تشوف الشر في عيونه ..
بغى لك الله يقلب الركاب /:/ لكن فرينا دركسونه ..


عيد حطاب العضياني
ابشر على قلتك بـ المشعاب /:/ نبى المقاطي نطلع جنونه ..
العام يمسك صفي ابو عقاب /:/ و اليوم فـ الساحات يطرونه ..


مرزوق المقاطي
و الله لو ماهو من الشياب /:/ لـ اكسر على علباه حاجونه ..
انته نكبة الربع يا النصاب /:/ كنك ونيتً عد طبلونه ..


عيد حطاب العضياني
انته دويب صغير منت بـ داب /:/ و عصابتك ماهي بـ مامونه ..
.................................... /:/ ....................................


مرزوق المقاطي
الحر يكفخ و الغراب غراب /:/ غرابكم جنحانه تخونه ..
اشوف لي وعلً ظهر ثم غاب /:/ رابض و هو بينتن قرونه ..


عيد حطاب العضياني
الله لا يتكل على الاسباب /:/ يا حضرمي و السمر فـ الغونه ..
خلك من الفوال لـ القصاب /:/ و انته مقاطيً يقولونه ..


مرزوق المقاطي
انا تراي مجري الهياب /:/ يعني مقاطيً تعرفونه ..
يا خال يا اللي تفتل الاشناب /:/ ان طعتني تفطر على التونه ..


عيد حطاب العضياني
لو طعت شوري تاخذ المجناب /:/ مالك و مال الدار مسكونه ..





http://www.youtube.com/watch?v=B_i2pFXSowE&list=UUBsJ0XMLzNfcXbFnBGAdcPg&index=4&feature=plcp





آتمنى ان يرتقي لـ ذايقتكم ... آخوكم/ بندر غزاي المقاطي





الطاروق حصري لـ منتدى الهيلا ...

..


مشكووووور يالغالي


على النقل الرائع..

....

مشكور يالمقاطي على النقل

ولكن هذا القسم خاص بمحاورات الاعضاء

طاروق رائع جدا


مرزوق المقاطي كان يود مناقشة ابن حطاب في قصيدته في حفل طويق بام رقيبه


ولكن ابن حطاب لم يود نقاش ذلك

اشوف لي وعلً ظهر ثم غاب /:/ رابض و هو بينتن قرونه

صحت السن الشعار

لكن الوعل مايربض ماتربض غير الارنب

الوعل يبرك

اشوف لي وعلً ظهر ثم غاب /:/ رابض و هو بينتن قرونه

صحت السن الشعار

لكن الوعل مايربض ماتربض غير الارنب

الوعل يبرك


الوعل ماهوب بعير يبرك صحح المعلومه


لاهنت يابندر

لاهنت يابندر على الرائعة الجميلة ..


وصحت الألسن ..


..


وللمعلومية ياحنان ..

التيس والوعل والظبي كلهم من شلة ( يربض)


والبعير (. يبرك ..) وغيره ،

الوعل ماهوب بعير يبرك صحح المعلومه


لاهنت يابندر

انا متاكد واعرف مااقول

الناقه تبرك البعير يبرك الثور يبرك الوعل يبرك الغزال تبرك

اما الغنم والمعزه بروكها يسما اموبخه

ماتربض غير الارنب

انا متاكد واعرف مااقول

الناقه تبرك البعير يبرك الثور يبرك الوعل يبرك الغزال تبرك

اما الغنم والمعزه بروكها يسما اموبخه

ماتربض غير الارنب


البروك للابل فقط حتى الفرس يقال له تربض

هذا معروف في لهجة اهل نجد

واللي انت قلته لم سمعها من قبل ونشد وتلقى الصحيح

البروك للابل فقط حتى الفرس يقال له تربض

هذا معروف في لهجة اهل نجد

واللي انت قلته لم سمعها من قبل ونشد وتلقى الصحيح


انا من نجد طال عمرك

البروك ماهو خاص للابل البروك صفه الجلوس

مايربض غير الارنب

اما المواشي يقالها بروك عدا الضين

عموما صح السانك علي المداخله

انا من نجد طال عمرك

البروك ماهو خاص للابل البروك صفه الجلوس

مايربض غير الارنب

اما المواشي يقالها بروك عدا الضين

عموما صح السانك علي المداخله


ههههههههه كلامك متناقض الماعز مايقال له تربض هههههه والضين من ظمنها الماعز

ياخي كرمك الله حتى الكلب يقال له ربض ههههه نشد شايبك

ابشر على قلتك بـ المشعاب /:/ نبى المقاطي نطلع جنونه ..

هههههههههههههه

ثوري ابو حطاب ماعنده

ماتبرك الا الجمال اللي تشيل حمولها




لاهنت يالمقاطي على نقل المحاوره الجميله بارك الله فيك