نادو لي الشمالي الغربي (له علوووووووووم)

الأخ الكريم / الشمالي الغربي ...
لو تسمح استلم


مرحبا مرحبا بالزود زود = للرجال العريب انسابها
يالشمالي لايا نام الرقود = لاتصك العيون اهدابها

هلابك يابن دريميح واستلم لاهنت



البقا والبقا وارقا سنود=من يروم العلا يرقابها
والخلا والعدم ماله وجود=تعرف الخيل من ر كابها

كان جاك الضمى عان العدود = اورد اورد على مشرابها
ياوجودي على الطيب وجود = كان بالطيبه يبدابها

صح لسانك يابن دريميح

صح لسانك ابو خالد والليل ولا تبعد

تحياتي

نعرف ان العدود الها حدود=عد حجتك ياكتابها
قبل تمشي تزود بالوقود=الخطيبه هوت خطابها

الفالح


هلا وغلا

شرفتنا يالغالي


انا قريب

لاهنت

كل عدٍ على ظهره ورود = ظمّتي ديرتي وهضابها
كان ودك تقدم للعنود = لازم انك تحسب حسابها

الفالح شكرا على المرور والمتابعة
تحياتي

خل كثر الكلام بدون فود=اكثر اهروج مانشقابها
لاتجي في مداهيل الاسود=ثم تحطك مابين انيابها

هرجتي مثل سيف(ن) امحدود = اكثر الناس وطّى ارقابها
وانا ذيبٍ تقفى للشرود = كل ديره حدر بشعابها

هيه ياللي تكسر فى الردود=رد خنجرك وسط اجرابها
دام حدرت عزمت الصدود=المجانين ويش ابغا بها

نكسره من على راس الحسود = كل نفسٍ تعرف عتابها
والله لاشب نارٍ كا لخدود = لا تقرّب ترى ترمابها

كفييت وفيت يابن دريميح
خذ هالبيتين وتصبح على خير


ما ابتلش قائد الا فالجنود=النصيب الردي يبلا بها
لاتكلف ولاتقبس بعود=ابك ابا اخدمك واقفل بابها

...
.
ابن درميح...
والشمالي ...
لاهنتم وصحت السنتكـــم ...
..

مرزوق العتيبي


هلابك يالغالي

مرورك شرف كبير لنا


لاهنننت


ودي وتقديري

الاخ مرزوق حضورك شرف كبير لي بيض الله وجهك.....

أخوي الشمالي صح لسانك على الردود والمعاني الجزال
تحياتي
لكل من تابع وشارك........