فديت الشامه اللي من يمين لرمشك الفتان

مساكم الله بالخير
هذي المشاركه عباره عن قصيده اعجبتني لابن عمي الدكتور/ فهد المغيري وحبيت اشارك
واتمنى ان تنال اعجابكم


فديت الشامه اللي من يمين لرمشك الذبلان= اذا ناظرت فعيونك سحرني الرمش والشامه
ولا ادري وش اشوف اول واقلب نظرتي حيران = واحاول اجمع الثنتين عشان القلب وهيامه
حبيبي ما عرفتك ماعشقتك لا انا الغلطان = لا والله انك بداخل حنايا الجوف وعظامه
عشقتك وانت من حايل عشقتك وانت فالظهران = عشقت الساحل الشرقي من احساءه لدمامه
عشقت الشارع اللي ساقني يمك ياأغلى انسان = عشقت الناس من حولك عشقت الوقت وايامه
حبيبي ارفق بقلبي ياغصن من القصب والبان = تراني مسلمك مفتاح قلبي يااعذب احلامه
وكاد سهام عينك صوبت له واصبح النيشان = على اية حال صايبته في شريانه وصمامه
وكاد ان الدوا في جمرتين للعسل عنوان = يقطر من ثنايا كالسحايب واعذب غمامه
حبيبي ما علينا من كلام الواشي الفتان = مادام انا حبايب لعنبو الواشي واوهامه
انا فارس ولد فارس ولد قوم بيدهم شان = ولكني ضعيف امام رمش العين والشامه

من

يلومـــــــــــــــــــــــــــــــه

فالشـــــــــــــــــــــــــــامــه


تشكر على النقل

لاهنت على القصيده ياكحيلان صح لسانك ولسان ولد عمك

كل الشـكر على حســن الأخــيار

وصح لسـان قايلها



لك مني جزيل الشكر وأجل التقدير

اخوك: محمد العريدي

دمت بخير

لاهنت على القصيده ياكحيلان صح لسانك ولسان ولد عمك

شكر لكم يا أخوان على هذه الردود

والشعر الجيد يفرض نفسه ويستحق ان ينشر

الاخ الفاضل سعد المغيري ,,,
القصيدة رائعة جدا ((الله يلوم اللي يلومه))
صح لسانك وصح لسان الدكتور فهد


إبن شهيل

مشكور ابن شهيل على المشاركة

قصيدة الدكتور/ فهد المغيري

مسكتة والشامه اذا جاء معها عين ورمش رجت العالم الله لايلوم الدكتور ويكون بعوننا من فتنة العيون والله يخارجنا من عذاب الحب

تقبل مروري / سعد المغيري ولك الشــكريالغالي