البجاديه روحي وكيف الروح تنساها

ينقل النفيعي العتيبي القصيده هذه ، وتصف فيها قائلتها حبها الشديد لموطنها الذي لاينافسه أي وطن ، انها البجادية وتذكر ان الفراق صعب وعسير عليها … :


البجاديه روحي وكيف الروح تنساها
لا غابت الروح يبقى مدفني فـيـها

إن رحت عنها وضامي مشربي ماها
غصبٍ عليه تهل العيـــن تبكيها

أرضي وداري بوسط القلب مفلاها
إن غابت الشمس نورالحب يضوّيها

البجاديه أمي ودايم أطــلب ارضـاها
بجاديه زهره وتسلم إيد ساقــيــها

الشـيـخ بن زايد بعلم وخـيـر سواها
وقته وماله وخـيـره قام يعطـيهــا

البجاديه غنوة وطفل اصغـيـر غنّـاها
بجاديه قصة تداعـــب نفـس حاكيها

لا جيت برحــل عيوني هلّـت ابكاها
أمســح دموعي ونار الشوق أخفيها

يا روح خفي لهايـــب حزنّ فرقاهـا
شهــــرٍ وثاني وترجع بسمة ناسيها

في كل لحظه فوادي يذكر ارجاها
وفي كل جمله لساني كان يطريها

مــرت ليالي وحانت لحظة القاهـا
اليوم عندي ليالي حـــزن بطويها

الـيــــوم راجعه لدارٍ موت أهــواها
يا ويــل غربة فوادي كــــان يعنيها

البجاديه روحي وكيف الروح أنساها
بجاديه أرضي ودايـم أفتخـر فيها

وشكرا لكم ولتواصلكم
-------------------------------------------------------------
زماننا غير زمانهم وحتى نتذكر الاولين
اخوكم ابن نجد

صح لسانك ولسان النفيعي .