10-Aug-2007, 04:37 PM
عزي لمن همه على القلـب بـارك=وصفت على صدره هموم ٍ مباريـك
في وسط قلبـه شبـت ام المعـارك=بين الغـلا وعنـاد فكـر ٍ وتشكيـك
ياصاحبي ليـت الزمـان استجـارك=ياليت لو يصدق وينصـف ويعطيـك
ليته الـى منـه تـردى استشـارك=ليتـه يبـري ذمتـه قبـل يدمـيـك
وليته الـى منـه تمـادى وجـارك=في ليلة ٍ يرضي شعورك ويرضيـك
مره يتـوه الفكـر ويعمـي قـرارك=ومره يفز احسـاس قلبـك ويعميـك
ليتك قبـل تصفـق يمينـك يسـارك=فكرت مره فـي غرامـك ومغليـك
ليتك نهيت الوقت ولا افنـا عمـارك=ورديت وقتك قبـل عينـي ترديـك
عشقت ليلك وانكشـف لـي نهـارك=وانشل فكري يـوم باحـت خوافيـك
غمضت بعيونـي وطـاح اعتبـارك=وكبتك منها يـوم عافـت مواريـك
لومات حبـك وان تحطـم محـارك=وان كنت خاين ماتجاهلـت ماضيـك
اذكرك طفـل ٍ تايـه ٍ فـي مـدارك=ريح ٍ تصافـق بـك وريـح ٍ تقديـك
علمتـك الحـب الطهـور ومنـارك=علمت ذاتـك كيـف يحكـم مباديـك
اسأل خفوقك يـوم ضـاق بفنـارك=مـن علمـه يشتـاق يدفـا ويدفيـك
اسأل شعورك في زمـان انكسـارك=من علـم البسمـه تلالـى بأشافيـك
اسـأل معاليقـك ٍ و همـك ونـارك=من دخل احساس السعـاده محانيـك
اسأل زمانـك يـوم حطـم مسـارك=منهو اللذي شيد طريـق لخطاويـك
واليوم في ظهري تصـوب عيـارك=يالعنبو جـدك. وانـا اللـي مربيـك
يامل قلـب ٍ كـان يعشـق ديـارك=يتـوه نبضـه كـل ماحـل طاريـك
يضمى شعوره وان ضميتـه تـدارك=يغوص في جم المشاعـر ويسقيـك
قلب ٍ وقف جنبـك بوقـت انهيـارك=قلب ٍ تعـذب ليـن طابـت لياليـك
قلـب ٍ رجيتـه ليـن عـزم وزارك=قلـب ٍ تمنيـتـه يـحـن ويلبـيـك
قلـب ٍ وهمتـه بالغـلا وانكسـارك=قلب ٍ عشقته قبـل يعشقـك ويجيـك
انت اللذي جيتـه. وجبتـه. لـدارك=وكلك امل يلقـى وطنـه بأراضيـك
صدق دموعك يـوم خانـك وقـارك=غره دفـا صوتـه وهـزه ترجيـك
ودعتـك الله دام هــذا اختـيـارك=قلبـي لـه الله وان طعنتـه بأياديـك
ودعت ليلـي والسهـر وانتظـارك=ودعت نشوات الفرح يـوم الاقيـك
ودامك بغيت احضر زفافك واشارك=بقسى على نفسي واجاملـك واجيـك
بجيـك اتبسـم واكابـر وابــارك=وخوفي يتوه احساس فكري واعزيك
وفـر دموعـك وش يفيداعـتـذارك=يالله عسـى خيـره وربـي يهنيـك
ياقلـب يالله خـان وقتـك وجـارك=ودع غرامـك ذكرياتـك وماضيـك
صدمـه ولكـن عدهـا بأحتـقـارك=والصدمـه الـي ماتهـدك تقـويـك
وان صاح نبضك واحترق وسط نارك=قلـه سعـادة مـن تحبـه تكفـيـك
وسلامتكم
في وسط قلبـه شبـت ام المعـارك=بين الغـلا وعنـاد فكـر ٍ وتشكيـك
ياصاحبي ليـت الزمـان استجـارك=ياليت لو يصدق وينصـف ويعطيـك
ليته الـى منـه تـردى استشـارك=ليتـه يبـري ذمتـه قبـل يدمـيـك
وليته الـى منـه تمـادى وجـارك=في ليلة ٍ يرضي شعورك ويرضيـك
مره يتـوه الفكـر ويعمـي قـرارك=ومره يفز احسـاس قلبـك ويعميـك
ليتك قبـل تصفـق يمينـك يسـارك=فكرت مره فـي غرامـك ومغليـك
ليتك نهيت الوقت ولا افنـا عمـارك=ورديت وقتك قبـل عينـي ترديـك
عشقت ليلك وانكشـف لـي نهـارك=وانشل فكري يـوم باحـت خوافيـك
غمضت بعيونـي وطـاح اعتبـارك=وكبتك منها يـوم عافـت مواريـك
لومات حبـك وان تحطـم محـارك=وان كنت خاين ماتجاهلـت ماضيـك
اذكرك طفـل ٍ تايـه ٍ فـي مـدارك=ريح ٍ تصافـق بـك وريـح ٍ تقديـك
علمتـك الحـب الطهـور ومنـارك=علمت ذاتـك كيـف يحكـم مباديـك
اسأل خفوقك يـوم ضـاق بفنـارك=مـن علمـه يشتـاق يدفـا ويدفيـك
اسأل شعورك في زمـان انكسـارك=من علـم البسمـه تلالـى بأشافيـك
اسـأل معاليقـك ٍ و همـك ونـارك=من دخل احساس السعـاده محانيـك
اسأل زمانـك يـوم حطـم مسـارك=منهو اللذي شيد طريـق لخطاويـك
واليوم في ظهري تصـوب عيـارك=يالعنبو جـدك. وانـا اللـي مربيـك
يامل قلـب ٍ كـان يعشـق ديـارك=يتـوه نبضـه كـل ماحـل طاريـك
يضمى شعوره وان ضميتـه تـدارك=يغوص في جم المشاعـر ويسقيـك
قلب ٍ وقف جنبـك بوقـت انهيـارك=قلب ٍ تعـذب ليـن طابـت لياليـك
قلـب ٍ رجيتـه ليـن عـزم وزارك=قلـب ٍ تمنيـتـه يـحـن ويلبـيـك
قلـب ٍ وهمتـه بالغـلا وانكسـارك=قلب ٍ عشقته قبـل يعشقـك ويجيـك
انت اللذي جيتـه. وجبتـه. لـدارك=وكلك امل يلقـى وطنـه بأراضيـك
صدق دموعك يـوم خانـك وقـارك=غره دفـا صوتـه وهـزه ترجيـك
ودعتـك الله دام هــذا اختـيـارك=قلبـي لـه الله وان طعنتـه بأياديـك
ودعت ليلـي والسهـر وانتظـارك=ودعت نشوات الفرح يـوم الاقيـك
ودامك بغيت احضر زفافك واشارك=بقسى على نفسي واجاملـك واجيـك
بجيـك اتبسـم واكابـر وابــارك=وخوفي يتوه احساس فكري واعزيك
وفـر دموعـك وش يفيداعـتـذارك=يالله عسـى خيـره وربـي يهنيـك
ياقلـب يالله خـان وقتـك وجـارك=ودع غرامـك ذكرياتـك وماضيـك
صدمـه ولكـن عدهـا بأحتـقـارك=والصدمـه الـي ماتهـدك تقـويـك
وان صاح نبضك واحترق وسط نارك=قلـه سعـادة مـن تحبـه تكفـيـك
وسلامتكم
