نيابه عن بني عمي

بسم اله الرحمن الرحيم

السلام عليكم ورحمة الله وبركاته

هاذه قصيده بمناسبة افتتاح مخيم قبيلة الخراريص من قبيلة عتيبه

ولقد طلب مني شاعرها ان انشرها بعد ان قام ب ألقائها في الحفل


الا بسم الولي ربً خلق كل البشر من طين=وانا طبعي قبل لآبدا أسمي بسم مولانا
هلايامرحبا باللي لفو في حفلنا واهلين=نيابه عن بني عمي أهلي بكل من جانا
واعيد اكرر الترحيب الا يامرحبا وسهلين=عدد مامال غصن وعد ماللفرض صلانا
هلا بالمحفل الغالي ومن حضرو بعد غالين=هلا واعداد نجمً غاب هلا واعداد مابانا
هلا والمدح مايصلح سوى لأهل الوفى الوافين=هلا والمدح مايصلح سوى لأطوال الأيمانا
ابمدح لابتي اللي على نهج الكرم ماشين=قروم ونستحق المدح من اولنا الى اتلانا
لنا ماضي لنا حاضر لنا يوم السنين سنين =ابا امدح بني خراص واشوف المدح يزهانا
الا ياطيبهم مبطي والا ياطيبهم هالحين=اسودً فالقى مافيهم اللي قيل جابانا
لهم صوله لهم جوله على وقت القسى قاسين=مثل مقبول ماننساه ولا ننسى بخيتانا
أهل خيل ولهم هيبه كعام اللي لنا معادين=وزمان اليوم مايحتاج امن وارزاق وامانا
ولانهضم فعول الغير وذكر الطيبين يبين=ويسلم راس ابو فيصل ويالله سدد خطانا
ويسلم راس ابو فيصل جمعنا بالمكان الزين=على عز ومعزه يوم حيانا ونادانا
وصلاة الله على محمد شفيع الخلق يوم الدين=وتمت واعتذر ان كان فالأبيات نقصانا

الشاعر / عبيد بن زبن الخراصي

ونعم والله بربعنا الخراريــص ..


وصح لسانكـ ولسان الشاعــر ..


وبيض الله وجهكـ ..

صح لسان الشاعر

ولاهنت على النقل المميز ,,,,,

انعم واكرم يا ربعنا الخراريص

وصح لسان الشاعر عبيد بن زبن


وسلمت يداك على النقل المميز

صحة ابدانكم جميع

ولكم جزيل الشكر على كريم مروركم