هذا ماحدث في محاورهـ لي مع شاعر المليون عبدالله السميري

في أحد المنتديات كانت لي هذه المحاورهـ


مع شاعر الحكّــــام الستّهـ ..


ماجد بن هلال

اليوم عبدالله على الجوال مرسل لي كلام=ما يدري إني ساكتٍ من باب تقدير الخوي
ما يدري إني مستواي اليوم غيره قبل عام=ما عاد يقدر معي يمشي فالطريق المستوي
عبدالله السميري

اليوم ياماجد على الشعار والشعر السلام=اقولها واقول حيل الله يابن مشيب قوي
يكفيني اعرف الحلال ولاخلطه هو والحرام=وازيدك من الشعر بيت ان اخر الطب الكوي
ماجد بن هلال

أنا تراني ما ألحق الجاهل مشاريه وملام=أشره على العاقل لا شفته في طريقه يلتوي
وأنته تعرف إن إلك عندي قدر يا أخوي ومقام=لكنّ بعض الشئ يجبرني ماني له مهتوي
عبدالله السميري

ماني بجاهل ياذخر جدي عليه بالحرام=عاقل وشاعر فيلسوف وفوقها رجل بدوي
يالي نقلت البندقيه والذخيره والحزام=والله مادري عنك ياماجد ويش انته منتوي
ماجد بن هلال

يا فيلسوف / الشعر ماهو بالدراسه والعلام=الشعر صقرٍ من يعرفه ما يخمّه يشتوي
نقلت لي بندق ولا تلقى علي كبر الجرام=والصيده أنهي ذكرها برصاصةٍ تدوي دوي
عبدالله السميري

الواجب انك تقف تعطيني تحيه واحترام=وتارد على الجمه وتشرب لين منها ترتوي
لاتحسب ان السالفه كشتات وقاصة حمام =خايف عليك اطيح من راس الطويله وتهوي
ماجد بن هلال

ما أنته بعبدالله ملكنا الوايلي وإبن الإمام=والجمّه اللي قلتها تصلح لمثلك و قروي
أنا حلفت إنّي لأدرّسك أنت وأحرمك المنام=أنا جبل ولا أنت في جنب الزوايا تنزوي
عبدالله السميري

اثره صحيح الطق في الميت يابن مشيب حرام=احذر تزعلني عليك الوي لك ذراعك لوي
وانا حلفت اني لعلمك التقيد بالنظام=حتى تصير انسان متوازن ولنت بفوضوي
ماجد بن هلال

ماهو غريب إنك يا عبدالله معي تمشي تمام=حبّوب وأنا أقدّرك وأدفعك دفعٍ معنوي
لكنّ أنا بنشدك عن تالي مشاوير الغرام=وش باقيٍ منها ووش روّح وقل وش تحتوي ؟
عبدالله السميري

بس الغريب انك تعديت الخوال مع العمام=وانت اعرفك صدرك وسيع وعظم سيقانك قوي
الحمدلله من جنوب الدار ناسي لين شام =ماني بمحتاج لذوي والا ذوي والا ذوي
أتمنى أنّها إرتقت لذائقتكم ..

الله اكبر
...
.
ياسلام يابن مشيب وعبدالله السميري
اكتفي بقول صح الله لسانكم
جــــمــيـــع..
...

صح الله السنتكم وقلوبكم

..
.
بكل تأكيد محاوره جميله وشيقه ..
لاهنت ياماجد .. لاهان سفير عتيبه في شاعر المليون
عبد الله السميري
...
كل الود .....

صح لسانكم جميعآ وفل عبدالله السميري المليون هو وخالد وبندر
والعز والهيبه لمن مثل عتيبه

محاوره اكثر من رائعه

ابن مشيب والشاعر القدير عبدالله السميري

صح السنتكم ولاهنتووو

تحياتي

صح السانكم محاوره رائعه والله يوفق الشاعر عبدالله في شاعر المليون ومن معاه من عتيبه

الله اكبر
...
.
ياسلام يابن مشيب وعبدالله السميري
اكتفي بقول صح الله لسانكم
جــــمــيـــع..