بمناسبة تحقيق العالمي لبطولة الأمير فيصل بن فهد رحمه الله

يا اعصاب شامخ هدي الوضع وارجوك=خلاص يكفي شدة أعصاب وش فيك
قلبي وعقلي باركوا لك وهنوك=والعين تدمع ما قدرنا نهديك
أحلى بطولة زفها النصر وأهدوك=يستاهلون الكاس والشعر والشيك
مبروك يانصر البطولات مبروك=يالعالمي كل البطولات تبكيك
تلعب بروح وفن والباص محبوك=خطه وتشكيله والأهداف تكتيك
ماخابو اللي فالمدرج تحروك=ولا خاب منهو خلف شاشتك يغليك
جمهورك اللي أخلصوا لك وحبوك=يستاهلون اليوم كل التباريك
لك عادة(ن) مهما تغيب وتباطوك=ترسل لهم عبر البطوله تهانيك
ياللي على نغمات هولي ينادوك=وأنا على هولي ياهولي أناديك
يافارس الأمجاد والشمس سموك=يالعالمي ياعز منهو يواليك
يالعالمي مشيت خصمك على الشوك=يالعالمي ياشر منهو يجافيك
وين التحدي ناد منهم تحدوك=متبخره كل السوائل بـ أراضيك
مادام شمسك تخترق كل مصكوك=أنا اشهد إنك فوق محد(ن) يساويك
يا اعصاب شامخ هدي الوضع وارجوك=خلاص يكفي شدة أعصاب وش فيك

شامخ.العتيبي

القصيدة منشورة في صحيفة الوئام
http://www.alweeam.com/news/news.php?action=show&id=3174
نأمل من مشجعي العالمي الرد هناك والمباركة للجمهور النصراوي عبر صفحة الصحيفة

°ˆ~*¤®§(*§*)§®¤*~ˆ°الف مبروكــ°ˆ~*¤®§(*§*)§®¤*~ˆ°

الله يبارك فيك أخوي فهد

ههـ

صح لسانك يالشامخ..

قصيده جميله بس اللون ماتحس انه ....


لاهنت..

صح لسانك

ومبروك الفوز

صح لسانك يا شامخ

قصيدة رائعة وجزلة ويستاهل النصر الكأس والبطولة ..

تحياتي

..

الله الله

صح لساانك يا شامخ .,. ومبروك للنصر ويستااهل ..

:)

أخوك

صحة ابدانكم جميعاً
وحيّاكم الله

وألف مبروك للعالميين