26-Apr-2008, 01:14 AM
بسم الله الرحمن الرحيم
اعضاء وعضواة منتدى عتيبه
واسعد الله اوقاتكم بكل خير وبركه
مرثيه في فقيد عتــــــــــــــيبة بصفة عامة وقبيلة الدلابحة بصفة خاصة
الشيخ فيحان بن شـــريم بن زهيان العصاي رحمه الله
شيخ قبيلة الدلابحه كافه
للشاعر الشيخ نواف بن عبدالعزيز بن رازن الحزيمي حفظه الله .
وفيها مدح عام لقبيلة الدلابحة
مثل ماينكشف بالشمس وضح النهار
دمعة العين تكشف مايكن الضمير
والله اللي محدد وقت قطف العمار
الاجل والقدر بيد العزيز القدير
جل شانه جليل الملك والاقتدار
المنايا لها ميعاد ماتستشير
وسنة المصطفى اللي ماغشاها غبار
الرضاء بالقضاء المحتوم مهما يصير
والبسيطه تزول ولا عليها قرار
مات فيحان بن عصاي نعم الامير
شيخ (دلبح ) هل الطولات نسل الحرار
لابتن بالوغى يروون حد الشطير
فوق عوص الركاب وفوق قحص المهار
ياردون المنايا والمكان العسير
وينزلون الخطر قدًام الاعداء جهار
لو يرد البراء من شيخ قومن خطير
مجدهم من قديم ومن زبنهم امجار
يزبنون الدخيل ويطلقون الاسير
وكم لهم موقفنٍ من غير هاك النًهار
يوم جرد السبايا كل يومن تغير
بالمواقف لهم قيمه ورفعه وكار
مثل يوم القريًه يوم جاهم نذير
يوم حطوا لهم بارق وحطوا اشعار
واعتزوا بالجدود انزاح جمعن غفير
من سمع عن فعايلهم يزيد افتخار
صيتهم من فعايلهم يشوق النظير
يِكْسِبون العديم ويَكْسَبون البكار
ويقلعون المهار إن جا النهار الكبير
يالله إنك تجيره عند كشف الستار
وابعده عن لهيب النار والزمهرير
وقت بعث الخلايق بين جنه ونار
ارحم النادر المعروف غيث الفقير
وانزله جنة الفردوس بين الخيار
رب أظله بظلك يالعليم البصير
ومن عذاب القبر والنار جعله امجار
يالله إنك تجيره وأنت نعم المجير
ارحم اللي بنى مجده واقامه وسار
مع طريق الجدود امنزهين المسير
الرفايع بناها لين صارت اديار
ما التفت للحسود ولا استمع للمشير
وسايرت موكب التطوير والازدهار
ماهدم كل حوش ولا هدم كل بير
والبقا فالعيال أهل البيوت الكبار
كل رجال منهم بالمهمه جدير
كل ماغاب نجم يصير نفس المدار
في محله يجي نجمن شعاعه منير
تم قولي وتعبيري وفاء باختصار
والتحيه شذاها ياسمين وعبير
وسلامتكم
وصح الله لسان الشاعر الشيخ نواف بن عبدالعزيز بن رازن
وماعليه هو وعيال عمنا الحزمان زود
اعضاء وعضواة منتدى عتيبه
واسعد الله اوقاتكم بكل خير وبركه
مرثيه في فقيد عتــــــــــــــيبة بصفة عامة وقبيلة الدلابحة بصفة خاصة
الشيخ فيحان بن شـــريم بن زهيان العصاي رحمه الله
شيخ قبيلة الدلابحه كافه
للشاعر الشيخ نواف بن عبدالعزيز بن رازن الحزيمي حفظه الله .
وفيها مدح عام لقبيلة الدلابحة
مثل ماينكشف بالشمس وضح النهار
دمعة العين تكشف مايكن الضمير
والله اللي محدد وقت قطف العمار
الاجل والقدر بيد العزيز القدير
جل شانه جليل الملك والاقتدار
المنايا لها ميعاد ماتستشير
وسنة المصطفى اللي ماغشاها غبار
الرضاء بالقضاء المحتوم مهما يصير
والبسيطه تزول ولا عليها قرار
مات فيحان بن عصاي نعم الامير
شيخ (دلبح ) هل الطولات نسل الحرار
لابتن بالوغى يروون حد الشطير
فوق عوص الركاب وفوق قحص المهار
ياردون المنايا والمكان العسير
وينزلون الخطر قدًام الاعداء جهار
لو يرد البراء من شيخ قومن خطير
مجدهم من قديم ومن زبنهم امجار
يزبنون الدخيل ويطلقون الاسير
وكم لهم موقفنٍ من غير هاك النًهار
يوم جرد السبايا كل يومن تغير
بالمواقف لهم قيمه ورفعه وكار
مثل يوم القريًه يوم جاهم نذير
يوم حطوا لهم بارق وحطوا اشعار
واعتزوا بالجدود انزاح جمعن غفير
من سمع عن فعايلهم يزيد افتخار
صيتهم من فعايلهم يشوق النظير
يِكْسِبون العديم ويَكْسَبون البكار
ويقلعون المهار إن جا النهار الكبير
يالله إنك تجيره عند كشف الستار
وابعده عن لهيب النار والزمهرير
وقت بعث الخلايق بين جنه ونار
ارحم النادر المعروف غيث الفقير
وانزله جنة الفردوس بين الخيار
رب أظله بظلك يالعليم البصير
ومن عذاب القبر والنار جعله امجار
يالله إنك تجيره وأنت نعم المجير
ارحم اللي بنى مجده واقامه وسار
مع طريق الجدود امنزهين المسير
الرفايع بناها لين صارت اديار
ما التفت للحسود ولا استمع للمشير
وسايرت موكب التطوير والازدهار
ماهدم كل حوش ولا هدم كل بير
والبقا فالعيال أهل البيوت الكبار
كل رجال منهم بالمهمه جدير
كل ماغاب نجم يصير نفس المدار
في محله يجي نجمن شعاعه منير
تم قولي وتعبيري وفاء باختصار
والتحيه شذاها ياسمين وعبير
وسلامتكم
وصح الله لسان الشاعر الشيخ نواف بن عبدالعزيز بن رازن
وماعليه هو وعيال عمنا الحزمان زود
