هذه القصيده مجاراه لأحد الشعراء يقول فيها مطلق الثبيتي

السلام عليكم ورحمة الله وبركاته




هذه القصيده مجاراه لأحد الشعراء يقول فيها مطلق الثبيتي





ياراكب اللي يـوم نفاثهـا حـن
تسبق قمر عشرين وقت الزوالـي
طيارهـا فنّـي وطبلونهـا فــن
ويازين للنفـاث فيهـا اشتعالـي
ياكن تحت إجناحها يضحك الجـن
ولاصواتهم تحت الجناح إجتوالي
اثقل على كبد الثرى من مية طـن
وأخف من ريش الوحش فالعلالي
منوة غريـب لاذكـر ديرتـه ون
وجاته همومه من يمين وشمالـي
ملفاك رجل ٍ عادته يحـرق البـن
والنجر يعول وبين صبح الدلالـي
في مجلس ٍ مافيه تهمـه ولاظـن
ياماذبح للضيف من كبـش غالـي
يرسي كما يرسي مكانه جبل عن
معروف لو صكّت عليه الجبالـي
ابو سعود إليـا الركايـب تلافـن
قدّم لاهلهن كيـف مـرّ ٍ وحالـي
وإليا عطا يعطي عطايا ً بلا مـن
ماتعرف اليمنى عطايـا الشمالـي
قلّـه تـرا غبـر الليالـي تقافـن
واقبل سعدك وعنك حملك يشالـي
لاتثّـر العبـره ولاتقـرع السـن
أطلب وحنّا لك خـوان وعيالـي
والنفس عن شطحاتها عنّهـا عـن
عن ّ الفرس بمثولثـات الحبالـي
أنته عتيبي مانت هن ّ ٍ ولـد هـن
ممدوح لن جا للسوالـف مجالـي
ربعك عتيبـه والتواريـخ كتبـن
كيد العـدا وامكرميـن السبالـي
كم فـارس ٍ خلّـو بناتـه يونّـن
عليه واسي مجلس الشيخ خالـي
ستر الخوي والضيف والجار يأمن
في ضفهم مـن خاينـات الليالـي
ياما تمنّـى موتهـم نـاس لكـن
زادوا وزادوا بالوفـا والكمالـي
ياجاذب الطاروق في مدحهم غـن
تطرب وتطرب لك قروم الرجالي
يابوسعود الفكـر تايـه ومنجـن
يبـا يسيّـر يمـكـم ياحـلالـي
سلّم على هتلـر وسلـم عليهـن
إمكحّـلات عيونهـن بالـدلالـي

لا هنت يالذيب ..

وصح لسان مطلق (( دكتور الشعر ))

الله يرحمه ..

الله يرحمه..

صح لسانه..


لاهنت يا محب...

الله الله

رحم الله شاعرنا الكبير مطلق الثبيتي وغفر له

اخوي الغالي محب الهيلا اشكرك كل الشكر على نقل القصيده الجزله والطيبه بطيب صاحبها وناقلها

لاهنت وقواك الله على النقل

لا هنت يالذيب ..

وصح لسان مطلق (( دكتور الشعر ))

الله يرحمه ..

مشكور رعلى المرور

الله يرحمه..

صح لسانه..


لاهنت يا محب...

مشكور على المرور

الله الله

رحم الله شاعرنا الكبير مطلق الثبيتي وغفر له

اخوي الغالي محب الهيلا اشكرك كل الشكر على نقل القصيده الجزله والطيبه بطيب صاحبها وناقلها

لاهنت وقواك الله على النقل

مشكور على المرور