ناصر المرشدي الشهر مبارك ......

هلا مرحبا ترحيب واجب و تقدير=بابو تركي اللي غايبٍ من زماني
يا ناصر عسا ربّي يمسّيك بالخير=وابارك لك بحلول شهر رمضاني

كل عام وانت بخير ياشاعرنا ..

وصح لسانك على البدعه الرائعه وبانتظار ابوتركي

تحيتي لك
...

غيابي مقادير وحضوري مقادير=يامال البقاء يا شاعر اهل المحاني
ماغير الرفيق اللي على البال ماغير=ليا غبت لو ساعة زمن مانساني

صح السنت الشعاررررررر

وبيض الله وجيهكم على الطاروق الجميل لاعدمناك

وحي الله ناصر المرشدي من جديد




واللعب اللعب اللعب اللعب اللعب اللعب اللعب اللعب

والليل الليل الليل

واللعب اللعب اللعب اللعب اللعب اللعب اللعب اللعب

..
عمالقة الشعر يالله حيهم ..
..
الشهر عليكم مبارك ...
عدتم وعاد معكم الابداع ..
اخوكم ......

مرحبا يامحمد



حياك الله

بتار العبدلي


مرحبا مليووون


حياك الله يابتار

شرفتنا بتواجدك

المشرف العام

والمشرف السنه هاذي

والمشرف السنة الجايه ان شاء الله


ان كان ما استوليت انا واحتليت المنصب



حيااااااااااااااااااااااااااك الله يامشرفنا الغالي

وكل عام وانت طيب


ولااعليك زود

الابداع موجود مع شعار المنتدى وانت اولهم

تقديري ومحبتي يابو محمد

انا مستغرب

فيه واحد ما شفته ولا له تواجد


زئبق المنتدى معجب

الله يرحمك يابو سلطان

يالله حيهم كلهم

لاشك اننا على موعد مع طاروق مميز


لأن طرفاه عادتهم التميز والابداع

علي فلاح العضياني

هلا مرحبا ترحيب واجب و تقدير=بابو تركي اللي غايبٍ من زماني
يا ناصر عسا ربّي يمسّيك بالخير=وابارك لك بحلول شهر رمضاني


ناصر المرشدي

غيابي مقادير وحضوري مقادير=يامال البقاء يا شاعر اهل المحاني
ماغير الرفيق اللي على البال ماغير=ليا غبت لو ساعة زمن مانساني


الله الله الله

شهر فضيل اللي رجعلنا العمالقه

علي فلاح نور المنتدى وصح لسانك


ناصر المشاكس

الله يرحمنا واياكم برحمته

صح لسانك

ومتااااااااااااااااااااااااااااااااااااااااااااابع ين

قبل ينكتب يا صاحبي فيك تقرير=ما أبا أحصّلك في غير هذا المكاني
ترى لجنة التنظيم حطّت معايير=تمعّن مدى مضمون ( نصّ ) البياني

محمد العتيبي
بتار العبدلي
مرزوق العتيبي
بندر المرشدي
معجب العتيبي


مرحبا مليووون


حياكم الله و نورتوا الصفحه

شرفتونا يالغلين

(تدور على الجنه وطحت بزمهرير)=عليك انطبق هالبيت يالمودماني

ياعلي العضياني عسى خير ياطير=قبل يوم وانته مع فلان الفلاني

(تدور على الجنه وطحت بزمهرير)
عليك انطبق هالبيـت يالمودمانـي



الليل الليل


والمحاوره في صالح ناصر المرشدي الى الآن


وينك يالفالح

هلا بالكبتن


والمحاوره في صالحي ان شاء الله لان الضالم حبله قصير

مع انه دعوجي الله يستر


اهم شي خلك فالصف

أدوّر ذهيبٍ ما لقوه المداوير=و عنه أنشد العربان قاصي و داني
و قبل أمس جتني عنه بعض التباشير=و شفته بعيني ثمّ جيته و جاني

كبتن عتيبه


حضورك هو الاهمّ بغضّ النظر عن الكفّه لصالح منّ .............



تحيّاتي

صحت االسنتكم يالغالين

اجل لاتشره يازبون المخاسير=ليا شفتني بين جبله وحلباني
ابا ورد الضامي على جمة البير=ياكم جم جيته واردِ ماكفاني

بعد صرت من ضمن الرجال المشاهير=حضورك ضروري لا يروّعك هاني
ترى ما رسى فالبحر غير البوابير=تشقّ البحر حتّى تجي فالمواني

صح االسانك يالفالح
ومتاااااايعين

بعد صرت نجم وشجعوك الجماهير=علامك موسوس ياعلي ماتداني
مايجلى العماس الا الدلال المباهير=ليا بهرت بالهيل والزعفراني

عليكم الله أكبر يالأثنين


يالله حط حيلهم بينهم في هالشهر الفضيل



على كل حال انا اتفرج ومبسوط ودي ما تطفي حتى السحور

الله الله على الابداع الرمضاني

يامرحباا بعودت على فلاح العضياني
ويامرحبا بعودت ناصر المرشدي


متابع ماتبقى من الابداع للفائده والاستمتاع

أنا صرت و انته يالعتيبي متى تصير=تغنّي مع الشاعر بخيت السناني
كذا والله إنّي فيك أدير التفاكير=لا تفتح على نفسك يا ناصر معاني

ويا مرحبا بحضورك


يا عبدالله حبيب الزراقي


شرّفتنا يالغالي

ابو سطان



حياك الله


والله يقبل منك ههههههههههههه



تحياتي

علي العضياني


وناصر المرشدي


ومحاورة كايفه


صحت السنتكم وقلوبكم

ياعتيبه


مودتي وتحياتي

بعيد الهقاوي يدهن السير ويسير=وقريب الهقاوي هقوةِ بالساني

ترى فالشبك ماطاح غير العصافير=تبا تقضي الايام وانته تعاني

ترى الوافي اللي ما يجي منه تقصير=لسانه فصيح و من طوال اليماني
تعيش الحرار معكّفات الدناقير=و لا تطرح من الصيد غير السماني

ميامين والا يالعتيبي مياسير=تقلب مدام ان الزمن قلباني
انا كنت ابا ناديك ياسالم الزير=وهالحين ابا ناديك مرمر زماني

ما دام الشبب قسم الوجيه المسافير=أنا ابحمد الله يوم ربّي عطاني
تحلّم و حلمك ما له أيّات تفسير=و لا يتفق بالعرف شانك و شاني

مدام البلاوي مالها ايّات تبرير=انا بحمد الله خالقي مابلاني
ابا اضيّر الخلفه وتجفل من الضير=لكن مالها الا مطرق الخيزراني

قويّ العزوم يصخّر الصعب تصخير=وضعيف الجهَد عشره تعوّد ثماني
لو إنّك يا ناصر ذقت درّ المصاغير=تغيّر مفاهيمك بفهوم ثاني

يازين السوالف والنوايا مغاتير....بعد ما قريت الطرق هاذا شعاني













ياسلام ياسلام صحت السنتكم

يا ليتك تروح تنام ... وتصبح على خير=بقي ساعه ويذّن علاك الاذاني




هههههههههههههههههههههههه



صح لسانك يابو سلطان وهذا محاولة رد فقط لا غير

علي فلاح العضياني

هلا مرحبا ترحيب واجب و تقدير=بابو تركي اللي غايبٍ من زماني
يا ناصر عسا ربّي يمسّيك بالخير=وابارك لك بحلول شهر رمضاني


ناصر المرشدي

غيابي مقادير وحضوري مقادير=يامال البقاء يا شاعر اهل المحاني
ماغير الرفيق اللي على البال ماغير=ليا غبت لو ساعة زمن مانساني



علي فلاح العضياني
قبل ينكتب يا صاحبي فيك تقرير=ما أبا أحصّلك في غير هذا المكاني
ترى لجنة التنظيم حطّت معايير=تمعّن مدى مضمون ( نصّ ) البياني


ناصر المرشدي
(تدور على الجنه وطحت بزمهرير)=عليك انطبق هالبيت يالمودماني

ياعلي العضياني عسى خير ياطير=قبل يوم وانته مع فلان الفلاني




علي فلاح العضياني
أدوّر ذهيبٍ ما لقوه المداوير=و عنه أنشد العربان قاصي و داني
و قبل أمس جتني عنه بعض التباشير=و شفته بعيني ثمّ جيته و جاني


ناصر المرشدي
اجل لاتشره يازبون المخاسير=ليا شفتني بين جبله وحلباني
ابا ورد الضامي على جمة البير=ياكم جم جيته واردِ ماكفاني


علي فلاح العضياني
بعد صرت من ضمن الرجال المشاهير=حضورك ضروري لا يروّعك هاني
ترى ما رسى فالبحر غير البوابير=تشقّ البحر حتّى تجي فالمواني


ناصر المرشدي
بعد صرت نجم وشجعوك الجماهير=علامك موسوس ياعلي ماتداني
مايجلى العماس الا الدلال المباهير=ليا بهرت بالهيل والزعفراني


علي فلاح العضياني
أنا صرت و انته يالعتيبي متى تصير=تغنّي مع الشاعر بخيت السناني
كذا والله إنّي فيك أدير التفاكير=لا تفتح على نفسك يا ناصر معاني



ناصر المرشدي
بعيد الهقاوي يدهن السير ويسير=وقريب الهقاوي هقوةِ بالساني

ترى فالشبك ماطاح غير العصافير=تبا تقضي الايام وانته تعاني


علي فلاح العضياني
ترى الوافي اللي ما يجي منه تقصير=لسانه فصيح و من طوال اليماني
تعيش الحرار معكّفات الدناقير=و لا تطرح من الصيد غير السماني



ناصر المرشدي
ميامين والا يالعتيبي مياسير=تقلب مدام ان الزمن قلباني
انا كنت ابا ناديك ياسالم الزير=وهالحين ابا ناديك مرمر زماني


علي فلاح العضياني
ما دام الشبب قسم الوجيه المسافير=أنا ابحمد الله يوم ربّي عطاني
تحلّم و حلمك ما له أيّات تفسير=و لا يتفق بالعرف شانك و شاني


ناصر المرشدي
مدام البلاوي مالها ايّات تبرير=انا بحمد الله خالقي مابلاني
ابا اضيّر الخلفه وتجفل من الضير=لكن مالها الا مطرق الخيزراني


علي فلاح العضياني
قويّ العزوم يصخّر الصعب تصخير=وضعيف الجهَد عشره تعوّد ثماني
لو إنّك يا ناصر ذقت درّ المصاغير=تغيّر مفاهيمك بفهوم ثاني

لله درّك يابو سلطان


والله يالمحاورات اللي ما تمرّها ما علاها حلا


تحياتي

الله الله صحت الألسن والقلوب



محاوره ممتعه وشعراء كبار



اطيب التحايا