الشاعر / حجب العصيمي

بسم الله الرحمن الرحيم



هذه قصيده رائعه مختاره للشاعر المبدع / حجب العصيمي ..

أتمنى أن تنال إعجابكم ..


[صورة غير متوفرة]




كم بقى لي من الأيام كم ليل راح =مثل مر السحابه عمرنا والسنين

أمس نلعب مع الأطفال ضحك ومزاح =نجتمع ونتفرق صدق حب وحنين

لغربت شمس عدنا للعشاء والمراح =ولاصبح الصبح شفنا ماء وعشبٍ وطين

كانت أيام حلوه بالفرح والسماح =والكرم والبساطه والعرب عايشين

والوفاء والشهامه بيننا والنصاح =وعزة النفس والطيبه وتلقى العوين

والقصيده وقصه والليالي الملاح =وعود أزرق ودله ومجلس الغانمين

والهجن والفروسيه ورمي السلاح =زينها من رياضة عادة الأولين

والنخل والشجر والرعد والبرق لاح =ثم هلت مزون الغيث وقت وحين

الله أكبر زمان ٍ فات فيه الفلاح =والسعد والوعد والطيب يالله تعين

ذكريات من الماضي تقلد وشاح =وتستحق الرياده لو تمر السنين

يا عسى أيامنا دايم بخير وصلاح =يا مجيب الدعا اجعلنا من أهل اليمين

الله يعاااااااافيك



لاهنت على النقل الرايع

وصح لسان الشاعر





دمت بود

مشكور على النقل يامحمد
تقبل مروري

صح لسان الشاعر حجب بن ردن
ولاهنت يامحمد على النقل ..

خلف الروقي


تواصلك المستمر يشرفني ..

شكرا جزيلا لك
,,,

محمد بيض الله وجهك على النقل وصح لسان الشاعر

تقبل مروري لاهنت

اقسم بالله ان العصمه اكثرهم شعار وصح لسان الشاعر

صح اللسانه وسلم بنانه
وشكرآلك ع الطرح الرايع

سلطان بن نايف العضياني ,,

اشكرك على مرورك الرائع

تحيتي
..