شاعر الشيابين سهم الليل اقرب جاي

ان كان سهم الليل في باله علوم=يقلط على الميدان ويمس شنبه
وان كانها راحت ليا فرك الخشوم=كلن حزامه يابن مشيب يكربه

يا شبل انا خابر رجال بسلوم = تنكب صحيبك وانت ما شفت ذنبه
العام انا خابرك منته برقوم = واليوم رقمك في يدينك تضبه

ابيوت سهم الليل مافيها سلوم=وانا احسبنه كل طرقن يلعبه
باقي علاك تمر ركبه والجموم=حتى حسابك يابن مشيب نحسبه

يا شبل انا خابرك مانته بالظلوم =لكن هرج الرجل بكره ينكبه
ان كان الك يمنىٍ تضد ابها الخصوم=رح لبن هادي والدويشي واضربه

انا على الظالم كما علط السهوم=مضرابها لن ماغدتبه تتربه
ان كان مانت بجاهلن ولامحموم=ياللي تنشد ذق يميني تجربه

منت ارخمه تنهج مناهيج الرخوم= افطن لثوبك يالعصيمي تقلبه
اذعل لعلمي لا تنفخ فالكموم=راع الجمل ود الشواوي يقربه

ودي تعدي في طويلات الرجوم=واثرك كما اللي ماتهيا يجلبه
خل النصيحه معك انا مالي لزوم=مادام سكيني يقص الحبحبه

لامن دخلنا السوق فالجزله نسوم=والسيف في جنبي ماولله اجربه
وقتٍ مضا معنا تمشى ومخدوم=واليوم تفتل فالشنب والك اعطبه

بعض البضاعه واجبن عنها نشوم=جلابها معروف راعي شقلبه
وقتن مضا ياطير ماشفتك تحوم=واليوم ماشالله ماشفنالك شبه

اهب اهب يا شبل




صحت السنكم وقلوبكم




وصراااااااحه طارووق ملفت لشبل مرجحين الموازين من غير قصور فيك يا سهم بطريقة تعامله مع الحديث
كما هي طرق الكبار




صحت السنكم مره اخرى




تحياتي

الله عليك يابن مشيب

منت ارخمه تنهج مناهيج الرخوم
افطن لثوبك يالعصيمـي تقلبـه

منت ارخمه تنهج مناهيج الرخوم
افطن لثوبك يالعصيمـي تقلبـه

منت ارخمه تنهج مناهيج الرخوم
افطن لثوبك يالعصيمـي تقلبـه

صح لسانك وبيض الله وجهك