عــــــــــهدي بهــــم

[size=6]5]((عهدي بهم))











ياعين وين أحبابك اللـي توديـن
اللي إلى طاب الوطن ربعـوا بـه
أهل البيوت اللي على الجو طوفين
عـد ٍ خـلا ماكنهـم وقفـوا بـه
منزالهم تـذري عليـه المعاطيـن
تذري عليه امن الـذواري هبوبـه
عهدي بهم باقي من السبع ثنتيـن
قبل الشاء والقيـظ زل امحسوبـه
قلت جهامتهم من الجـو قسميـن
الزمل حدر والظعـن سنـدوا بـه
يبون مصفار ٍ من النيـر ويميـن
الله لايجـزي طـروش ٍ حكـبـوه
قالوا من الوسمي نباته إلى الحيـن
ومن تالي الكنـه تملـت دعوبـه
شيالة الكايد على العسـر والليـن
والى وطاهم موجب ٍ رحبـوا بـه
زاد الصيف معهم بليـا مواعيـن
وان شافو الضيف المطرق عدوا به
والى تريض يذبحـون الخرافيـن
ومن زاد بيت الله تفرش عصوبـه
والى عطوا يعطون روس البعارين
وان فات منهم شي مـا حسبوابـه
ماهم بربـع بالمحاضـر قصييـن
لو الحصيـل حمـار تخاشروابـه
يذبـون مـال فاختتـه الحواريـن
يشدي تراطين الدول يـوم جوبـه
والى تعلوا فوق مثـل الشياهيـن
صاروا علىبعض القبائل عقوبـه
لا تلها الراكب غدا الحبـل ثنويـن
مثل المعشر راسهـا عنـد ثوبـه
عقب النكايف كنهـن السراجيـن
ماقيل يسعل قينهـا واضـروا بـه
وإن قيل عند اقطيهم ياهـل الديـن
فالمرمس اللي من قديـم ادعوابـه
ردوا عليهـم ردة تعجـب العيـن
كل يبـا النومـاس قـدم محبوبـه
هذا طريـح وذا شنيـع االاكاويـن
واللي تعديـه السهـوم ارجلوابـه
ولحدودهم بمطـرق الحـد حاميـن
وقب تبـدأ فـي برايـر كسوبـه
كم عزلـوا ذيـدان بـدوٍ عزيـن
لو مالهـم سبارهـم ورثعـوا بـه
ولحقوا بعيدن المساريـح عجليـن
وقالوا لرعيان الأخيـذ ابشروابـه
وتوقفوا مثـل المظاهيـر مرزيـن
بالماقف اللي بايعوا واشتـروا بـه






*****


اتمنى ان اكون قد وفقت في الاختيار[/align]

مشكووور يالغااالي ماقصرت ..