الشاعر المتآلق /فيصل الحصيني ورااائعه جديده

فاجعة خمسه وعشرين من شهر ايلول = تجبرني اذكر حساباتي واراجعها

تعبت اكابر وحزن القلب مدرار وسيول = غشّى جروح(ن)بقلبي لين ربعها

حاولت اداري شعوري مير لاحول لحول = العين تندب وضعف الحال موجعها

على رصيف الموادع والدموع تحول = مابين نفس العزيز وبين واقعها

قفلت باب الامل .. فكيت لي باب مجهول = ابواب كانت تصارعني واصارعها

الارض ماهي بارضي .. تعبت ماشفتلي زول = يفهم جروح(ن) تصارعني واصارعها

الا على طاري الفرقا .. تذّكر قبل حول = في جلسة(ن) بيننا والود جامعها

من بيننا قهوة الاتراك والحكي معسول = قلتي (فلانه) بقلبك وين موقعها ؟؟

جاوبت قلبي على اصباعين لله محمول = يالله تكلني لمن قلبي مشى معها

ارخى جديله وانا اسأل :قلت وشفيك مشغول ؟؟ = ماجاوب القول غير ازرق مدامعها

ماغلى من الذكريات ..الا هل الذكر والقول = اللي يجف الحكي ماجف منبعها

ذكرت فصل وبقى للقصه فصول وفصول = عنوانها الحزن مالبى مطامعها

ياليت للحزن وصف علاج مثل البنادول = يسّكن جروح في قلبي مواجعها

ماضناني الا سؤال وهقوتي فيه مقتول = الساعه اللي وسطها صورتي .. معها ؟؟

فاجعة خمسه وعشرين من شهر ايلول = تجبرني اذكر حساباتي واراجعها

صح لسان الشاعر على القصيده الجميله



رغم تكرار القافيه الذي جاء




لاهنت ياذيب

..


صح لسانه ولاهان ...

مشكورين على المرور

والمشكله في النقل خطأ مطبعي

اتمنى من المشرفين تصحيحها

قفـلـت بــاب الامــل .. فـكـيـت لـــي بـــاب مـجـهـول
ابـــــــــــــواب كــــــانـــــــت تــقاطعني واقاطعها

الارض ماهـي بارضـي .. تعبـت ماشفتـلـي زول
يـــفـــهــــم جــــــــــروح(ن) تــصــارعـــنـــي واصـــارعـــهــــا

,,

لا هنت يالغالي.

,,,,,