الى اعضاء منتدى الهيلا الكرام

هناك محاورة بين الزلامي ومستور بحضور حبيب ومن ضمنها هذا البيت / عتيبي(ن)على كيفه يشيل القصر ويوطيه/// وقف عند الاشاره قال من الي مسويها
من ينزلها صوت وصورة الله لايهينكم

انا اول مره اسمع بها


لكن يفيدونك الاخوان

رشيد الزلامي






هلا يامرحبا فالمحفل اللي لمنا راعيه
ليامنه دعنـا دعـوة الطيـب نلبيهـا
منول صاحبي مستور والله مانبرق فيه
لكن اليوم والله نيته فيهـا ومافيهـا






مستور العصيمي






زلاميٍ يرحب في محلـي والله ايحييـه
وانا بقول هاذي من يسرحها يضويهـا
والا حبيب الرجال وش معناه وش طاريه
اخاف انه يشب النار هاثم ينكفت فيهـا






رشيد الزلامي






محلك هو محلي وان زعل مستور ليش ارضيه
علومه مـن زمـان العـام بينـة شواريهـا
انا ذليت اقول الك السـلام ايـروح ماتوحيـه
بعض عتباننـا فيهـا بـلا حتـى فاذانيهـا.







مستور العصيمي






يقولون الرجال الصقر من لايعرفه يشويـه
وانا ماني بصيده يالزلامي جيـت تشويهـا.
ردي الناس ابيعه يالزلامي لاتقـول اشريـه
وانا اشري مثلك وشرواك لو غليت مشاريها






رشيد الزلامي






عتيبي على كيفه يشيل القصر ويوطيه
وقف عند الاشاره قال من اللي مسويها
بعد ركب شداده فوق تيهيه وابوها تيه
بغاها تقطع الديره واثر ماعاد يمديهـا







مستور العصيمي






ترا من لاهداه الله كل الناس ماتهديـه
عسى الله يهدي الناس قاصيها ودانهيها
ريال يالعتيبي تاخذه منـي ولا تعطيـه
وهذه مشكله والمشكله في حكم قاضيها







رشيد الزلامي






تراواصلك قومآ قادمه والعلم لاتخطيـه
تعشيها على وقت العشاء والا تغديهـا
تبا عاد الصحيح علاجكم للجرح مايبريه
نزيد جروحنابحروحنا ونزيـد نكويهـا






مستور العصيمي






تمعن فالبناية لاتهد الجدر يابانيه
لياهديتها ممداك في يومين تبنيها

ابونايف الحافي & خالد العمى بيض الله وجيهكم ولكن اخوي خالد مايمكن تنزلها فيديو تراي طماع اشوي الله لايهينك

كانت موجوده علي اليوتيوب لكن رفعت حاولت افرحك فيها لاكن ماعينتها

لازم عن طريق مكتب

الله يبيض وجهك ياخالد