ابومشعاب والقرقاح مطلوبة انطباعاتكم

الرجاء من الاعضاء الكرام ابداء آراءهم حول هذه المحاورة

فلاح القرقاح
في حفل بن حثلين مقدم يام ممنت الجوير
سلام والنية مطية والليالي مدرسة
وقف يابو مشعاب والدنيا رحاها تستدير
فنجال بن وشاذليه والليالي مدرسة

ابو مشعاب
في حفل ابو حثلين قلّط لو يسير اللي يسير
النار فالمقباس حية والليالي مدرسة
علومنا وعلومكم تمشي على سلك الحرير
والراعي ابخص بالرعية والليالي مدرسة

القرقاح
ليا حضرنا يالبقيلي يكتب الله كل خير
ماانته بمجهول الهوية والليالي مدرسة
الطير ابو ريش وجناح يطير وألا مايطير
حوّل من شداد المطية والليالي مدرسة

ابو مشعاب
ليا حضرت انته حضورك مايعاوز له شوير
والوقت ماهو جاهلية والليالي مدرسة
حنا نخبر الطير ينهض فالورود وفالصدير
فالصبح وألا فالعشية والليالي مدرسة

القرقاح
انا حضوري شاهدٍ لي وان جهلت انشد لأمير
وخذلك ضريبة جمركية والليالي مدرسة
ان راحت الدنيا على اهلها عبوس قمطرير
نقود زيزوم السرية والليالي مدرسة

ابو مشعاب
عيني تشوفك ياصبي قحطان انا ماني بصير
عندك بطاقة عائلية والليالي مدرسة
انشدك مافشت الشداد اللي على وسق البعير
شدوه في ذيك السنية والليالي مدرسة

القرقاح
عينك تشوف او ماتشوف الله عليم بالمصير
عندي رجاجيل الحمية والليالي مدرسة
اقول اجب يلي تعرف البر وتعرف الشعير
نقاط وحروف ابجدية والليالي مدرسة

ابو مشعاب
اثرك لك في دولة ياولد خنذف سفير
لكن ماهي خنذفية والليالي مدرسة
راحت مواد مشكله شعير مع تمر ومضير
والسالفة راحت ضحية والليالي مدرسة

القرقاح
جماد لايقرب رجب ياحمل مسك ونفخ كير
والتالية ماهيب ليه والليالي مدرسة
القابلة باذن الله اسوق البشارة للبشير
واعطيك سيف وتابعية والليالي مدرسة

ابو مشعاب
من يخلط السم المنقع مع عسل برٍ برير
مجناه من راس الحجية والليالي مدرسة
ياصاحبي ثقّل على المطراق وألا عنه أدير
راحت قوية من قوية والليالي مدرسة

القرقاح
الناس تدري ياعميلي بالصغير من الكبير
قبلت وفرت الهدية والليالي مدرسة

هذه محاورة عليها نقص
القرقاح لم يكن متجلي كما عرفناه
الله اعلم ان هذه المحاورة في بدايات ابو محمد قبل ان يتمكن بقوة

اما ابو مشعاب بداياته ونهايته كلها بنفس المستوى يجيب الخوابير لنفسه
انا ماني بصير
بكل صراحه صادق في وصفه لنفسه

بالاضافة الى تراكيبة الركيكة