الربيع العربي

بسم الله الرحمن الرحيم

قصيدة الربيع العربي


شفي قوافيٍ سوات السيل منحدره=والا؟ كما عاصفة هيجاٍ شماليه
من شاعرٍٍّ خاف بكره يختفي ذكره=ينوي عليه القدر والنيه النيه
يشوف محدٍ من الماضي فهم عبره=ديار فيها غلا وديار محميه
حيث ان صدام بيدينه حفر قبره =والتونسي زين في رحله سياحيه
وحسني مبارك تنازل وانكشف ستره=وصارت حياته على ذمة محاميه
وبعده معمر رقص شعبه على قصره=مع غيبت الشمس في باب العزيزيه
وظبيان راع اليمن ضيعّ دواء البشره=وتغيرت بشرته صارت سماويه
ذاق الممات ودرا ان الموت له سكره=ومن طيب حظه نجا بقدره الهيه
وبشار في داره الاوضاع مندمره=عامين شعبه يغني له وداعيه
وراع المنامه حمد صقرٍ رخص سعره=هذا الزمن صقره ارخص من سلوقيه
محتار بالوضع مايدري وش الدبره= ضحك من المبتلا لين ابتلا زيه
الثوب والبشت والمرزام والغتره=تنصب في صالح ان امه سعودية
ياشيخ يامير اللي منعرف قدره=ماتسلم الدار والاحزاب شيعيه
ماهي على خبرك الله يرحم الخبره= وللا زمن هاك والصحف المحليه
اليوم لو تاخذ من ادنى البحر قطره=قامت تذيع المحطات الفضائيه
هذا يؤيد وهذا يناقض النشره=وهذا يحللك بالسبل السياسيه
ماتحرق الجمره اللي ماوطا الجمره=ومن داس جمرالغضا يصبرعلى الكيه
البقره الضاحكه مامثلها بقره=من خيرها صدرت سفنٍ شراعيه
مرتاعها بين اهل بغداد والبصره=من اجل دعم العلاقات الثنائيه
الناس تشكى الغلا والفقر والطفره=مابه فقيرٍ يبى يطالب بحريه
يلي تميح الدلي ترا العرب خشره=الناس فالشمس وانته داخل الفيه
لاتامن الدهر يمكن مايجي بكره=الا؟ وراع الشداد من السفرجيه

بقلم الشاعر:عبدالرحمن العقيلي

عبدالرحمن العقيلي صح لسانك


تحيتي

عبدالرحمن العقيلي صح لسانك


تحيتي

فهيد المورقي


صح بدنك ولاهنت على المرور