محاورة قوية وغريبه.. شوفوا واحكموا

السلام عليكم ورحمة الله وبركاته



الــــــــــــــــــــــــقـــــــلــــــــــــب

الليله المعنى على العين ياناس=العين سبت كل هم وخطيه
انا اتعنى في زماني بلا قياس=والعين ترقد والشقا صار ليه
الــــــــــــــــــــــعـــــــــــــــــيــــن

الليليله الليله توقع بالاخماس= انك مقر الهم صبح وعشية
لولاك كان الناس ماتشكي الباس=الحق اصابك لاترده عليه

الــــــــــــــــــــــــقـــــــلــــــــــــب

ياعين لاتبكين والوضع حساس=حبل المعاني كلها في يديه
انا مقر الطيب والطيب نوماس=وانتي بنظراتك هناك وهنيه

الــــــــــــــــــــــعـــــــــــــــــيــــن

ياقلب ياقلب العنا فيك هوجاس=عذبت نفسك في حياة شقيه
الناس سمتني سميه لقرناس= وانته محد يمدحك بين البرية

الــــــــــــــــــــــــقـــــــلــــــــــــب

محدن يصدق علمك بكل الاجناس= الناس تدري والحقائق جليه
لولا الحيا واخاف من قول بلاس=لاقطع عروقي ماتجيك بهديه

الــــــــــــــــــــــعـــــــــــــــــيــــن

انته تراوغ بعد ماصرت محتاس=كبرت عليك المشكله والقضية
والله لو اغمض يابو دم وانفاس= انك لتصبح مثل دارٍ خليه

منقووووول

لاهنت

يعطيك العافيه


تحيااااااااااااااااااااااااااااااتي

..
هههههه
عين وقلب .. مره وحده ..
والله ان كلهم مصايب :)
طبت وطاب منقولك ... ياغالي ....

سلمت على هذه الرائعة يالفراهيدي , محاورة قوية , ومشادة بين القلب والعين:)



تحياتي

الله لايهينك وبيض الله وجهك
لاكن انا مع الشاعر القلب وفي صفه
ودمت

لاهنت يالفراهيدي ،، وبيّض الله وجهك ....
والله يعطيك العافية .....

أخوكـ/ أبوشمروخ الحافي .........

الله لايهينك وتسلم على هالنقل الطيب

السلام عليكم ورحمة الله وبركاته شكراُ لك على النقل الطيب يا الفراهيدي انا اشهد ان العين صادقه

حي الله الفراهيدي وحي ماجابه ..
ويعطيك الف عافيه يالغالي محاوره ولا محاورات حبيب ومستور ..
وتسلم يمناك على هذا الانتقاء الجميل ..
ولاتحرمنا من جديدك ..
تحياتي وتقديري..

صح لسانك وسلم بنانك
الله لايهينك وبيض وجهك

شكرا على هذه المشاركه الجميله