ما كلّ من نادوه رجـّــال , رجــّــال

رائعة من روائع الشاعر / وصل العطياني

يالله أنا زابنك عن ضيقـة البـال
يافـارج الضيقـات بالإنفـراجـة
بالي يضيق وداخـلٍ فيـه ولـوال
مدري متى يركد ويصفي مزاجـه
مامقصدي شبعـة ولاقلـة ريـال
ولافي من سموى العذاريب حاجـة
قصدي همومٍ جتني ألوان وأشكـال
من وقتنا اللي صار فيه إنعواجـه
وقتٍ علينا طلّـع أجيـال وأجيـال
فيها الخيانـة والغـدر والهماجـة
غير الحسد والبخل وطبوع الأنذال
تحسد سـلام ومرحبـا والمواجـه
والرجل ماهو من لبس بشت وعقال
وإلا يجيك أبيض سوات الخواجـة
بعض العرب ماغير ياساتر الحـال
لوتفتشـه والله مايسـوى (......)
ماكل من نـادوه رجـال . رجـال
الرجل واضح والحلاجـة حلاجـة
الرجل من يحمـى كلامـه لياقـال
ويجيك للخاطر بشـوشٍ حجاجـه
ولاصك دون الناس بابه بالأقفـال
وإلاّ ليا جاء الضيف طفّى سراجـه
ولياطلبتـه رأي حــلال فـتـال
يعطيك زبدة هرج ماهـو علاجـة
هذا وأنـا لازلـت للقلـب عـذال
أبى أعذله لين إني ألقـى علاجـه
وإن مالقيت علاج تـراي رحـال
رحلت فـي بـرٍ وسـاعٍ فجاجـه
في مدركة ماعاد للـروح منـزال
فيها الصبا والجو تصافق عجاجـه

الله الله الله.....



رائعة جدا يالرائع...



الف شكر ياوافي...



صح لسانه...



تحياتي....

عبدالعزيز الجذع

شــآإكــر مرورك لا هنت ..

ابداااع


مشكور ويعطيك العافيه

صح لسان شاعرنا الرآئع وصل

قصيده جميله جدا

لاهنت يالغالي

محبك

,’

وافي الخماش ..
لاهنت على القصيده ال رائعه للمبدع
وصل العطياني ..
سجل اعجابي بك
.. ..

عزام عتيبه

شــآإكــر مرورك يالذيب ..

عبدالله الجذع
شــآإكــر مرورك وتواصلك يالذيب ..

ابو مشعاب

شــآإكــر مرورك يالذيب ..

الله لا يحرمنا شوفة هالوجيه الطيبة