سلام الله على الله يكرمون الجار والضيفان

سلام الله على اللى يكرمـون الجـار والضيفـان = رجال ٍ فيهم الهيبه رجـال ٍ فيهـم الطيبـه
مادامك تاجر ٍ ربحان مادامك شاري ٍ خسران= سعرهـم ماهـو الاول تغيـر كـان تـدري بـه

الرد مفتوح للشعراء .....

هلا يامرحبا ياضيف قلط وافتح البيبان=على سمن وسمين وكيف راس الضيف نبديبه

علام الحب نصه ممتلي بالسوس يالثبتان=وهاذي شرهتن ياكبرها في معجم عتيبه

صح السنتكم وبدعة مميزة يا بن هليل واصلوا ..

يدوم الك البقا والبيت مايثبت بلا سيسان = وبعده عاوي ٍ ذيبه وقبله عاوي ٍ ذيبه

تدور لثبيتي شرهتـ(ن) لكن قدمك بان = كرمنا لا لفيت الدار تدري به وتحكي به

صح بدنك اخوي واااافي الخمااااش
والمميز مرورك

ولا ياكثر ماشفنا الذياب الشهب ياذيبان=ابه ذيبٍ سكن حره وذيب الضلع وشعيبه

وأنا ماذمكم ياطيبكم يوم القنا والزان=لكن البحر الاحمر يغرقك وتقول مرهيبه

تشوف الذيب لكن البلاء انك ركاب ٍ بحصان = ولاتنزل من حصانك ولا ترقى مراقيبه

وانا ماهمني شلفاك فالضلعان والوديان = مادام ان السيوف حداد بكره ماعرف ٍ غيبه

الله


الله


صح السنتكم


واعجبني بيت ابن هليل ولا يهون راعي الشلفا ..

تشوف الذيب لكن البلاء انك ركاب ٍ بحصان *** ولاتنزل من حصانك ولا ترقـى مراقيبـه

صح بدنك اخوي وافي

وانا اشهد انك وافي والله

اشكرك على المتابعه الرائعه منك

تقوله وانت راكب لك جمل تشعبه الخليان=تنطح للهبوب البارده والراس يوميبه

أنا شلفاي نكبه لليهود و عز للعتبان=عليك الله وامانه لو حد السيف تنويبه

صح السنتكم

مدام ان الجمل شايل حموله انت مالك شان = وانا ذيب ٍ على حصاني وانا ذيب ٍ لي الهيبه

تقدم ياولد عمي وانا وياك فالميدان =وسيفي دايم ٍ يالقرم ماينقص مواجيبه

عزام عتيبه

صح بدنك

مشكور على المرور

ياكبرها يالذيب
للمعلوميه منتدى عتيبه الهيلا في غنى عن المحاورات المنقوله

هلا اخوي مزلزل

ياكبرهاااااا ؟

وللمعلوميه كلها من لساااااااااني

ههههههههههههه ماعندك غير هالقاف تنقله من منتدى الي اخر

على العموم نترك الحكم للمشرفين

القاف لعبت ابه في منتديات بوابه عتيبه الهيلا

ولو كان القاف واحد فالبيوت تختلف جدا والمعنى كذلك

لو تلاحظ ..........

صحت ألسنتكم

صح بدنكم

مشكور على المرور

القاف لعبت ابه في منتديات بوابه عتيبه الهيلا

ولو كان القاف واحد فالبيوت تختلف جدا والمعنى كذلك

لو تلاحظ .......... وفي منتدى الثبته الرسمي

البدعه كانت في منتدى الثبته الرسمي وهي اولي بيتين

وباقي الابيات هنااااااااااااااااااااا

اما يوم نزلتها في منتدى الثبته

رد علي واحد من الاخوااان

ولكن الوزن كان خاذله شوووي وقلت ايجيبها هنا ولكن المعنى مختلف

وفالاول الاخير البدعه ليه انااااااا !!!!!!!!!!!!

نزلتها في منتديات الثبته فلم اجد الارد مكسور شوي وقلت لعلي اجد شاعر

فلقيت اخوي راعي الشلفا ونعم والله

وحااااااب اقولك



لاتدور على الثبيتي شي وبيوته جزال = ان كان ماتعجبك مانت اللى وحيد ٍ عندنا

ياراعي الشلفاااااااا ووينك

اعجل علينا

الليل الليل