" مات الرياحي " ..!!

تعبر عن نفسها .. !







,,






ولا يالله في شيٍ مباحي=يغيبني عقب سطو الجراحي
جراحٍ فالحشا تو استشاطت=صباح السبت يا شين الصباحي
صباحٍ بالخبر صبح حشايه=ومضمون الخبر " مات الرياحي " .!
وذرف دمعي على خدي لو اني=من اللي سدهم ما يوم باحي
أغيب اعن الملا وأحضر وأغيبي=واداري دمعتي تحت الجناحي
وأجاوب فالخلا نوح الحمامه=لو ان الطير ما جرب مناحي
ولا يالله في راحة ضميري=تعب قلبي من زروق الرماحي
على فيصل تجاذبني همومي=يالين ان الحشا بالهم فاحي
تعبت وضاقت الدنيا عليه=لو ان الكون من حولي براحي
سجين الهم ليلين وثلاثه=وأظنه ما نوى يطلق سراحي
مع العالم ولا كني معاهم=ادرجها على كل النواحي
أبا الصده عن عيون الخلايق =مخافة هرجة النقد البواحي
ولا حصلت لي فالصد راحه=صويب الوقت ما يوم استراحي
جرعت من العنا والهم كاسه=يخالط مرها السم الذحاحي
فقيده يا عرب والله فقيده=أبو بدر الشهم رمز الفلاحي
رحل عنا قبل وقت الموادع=يا عون الله في بعض المراحي ..!!
رحل فيصل عن الدنيا وحنا=على فقده تجرعنا الملاحي
ولا يالله في مزنٍ تتالا=على قبره تكومها الرياحي
ثلاث شهور من ماها تبله=ثلاث شهور والماطر قراحي
وعسى قبره على الجنه مطله=يالين انه يحس الانشراحي
دعانا والرجا يالله قبوله=لعل اللي على المنكب يزاحي
أقوله والعرب مثلي تقوله=جنان الخلد يا نعم المراحي
عسى فيصل بها يلقى مصيره=مع أصحاب الكتب وأهل الصحاحي
ومن عتيبه إلى سهوم المنايا=عزانا والعذر ويا السماحي
يقوله واحدٍ همه سطى به=ولا حصل عن همومه مراحي
ولا يالله في شيٍ مباحي =يغيبني عقب فقد الرياحي

عايض ياعايض صح لساانك

من اروع الرثآئيات بحق

رحم الله ابو بدر واسكنه الجنه

صح لسانك حت ترضى يابحر ولاحرمت الاجر


محبك

.,

وفاته رحمه الله أتت فجأة

وانفجع بها جميع جماهير الشاعر والشعر

لكن مانقول الا

رحمة الله عليك يا أبا بدر

ونسأل الله لك الجنة والعتق من النار

وصح لسانك ياعايض

على هذه المرثية المحملة بالوفاء لأحد رجال الشعر ورموزه

نسأل الله لك الأجر والمثوبة

تحياتي

صح لسانك يابن العم والله يرحمه ابوبدر فقيده على الساحه

رحم الله ابو بدر .. و اسكنه فسيح جناته ..

صح لسانك يا عايض .. من اجمل ما قرأت في المرحوم ..

اخوى عايض شعرك فايض

وصح الله لسانك

ولا يالله فــي شــيٍ مبـاحـي
يغيبنـي عقـب فقـد الريـاحـي




المقاطي ..
قصيدتك هذي جددت الجراح ..

صح لسانك ..
معبرره ..

عبدالله الجذع صح بدنك ولا هنت ولا هان مرورك ..

صح بدنك يا فيصل المسعودي ولا هنت ولا هان مرورك ..

عايض ما قول غير بيض الله وجهك وقبل دعاك
والله يرحم ابوبدر ولايمك للعمى

صح بدنك يا ولد العم يا بدر ولا هنت