الليـــــل يالشـــعـــار
ولد عسكر البارود18-Jan-2009, 05:27 PM
السلام عليكم ورحمة الله وبركاته
في منتدى الهيلا نبا نلـعب
واللعب في ذا المنتدى مكسب
يـارب ترحــم من لــفا يارب
واطلق شنب مشروب فنجاله
مرحبابك عدعد/ما يهل امن الغيوم
جتك مع ساع البريد/يوم شبت نارها
يقرب اللي مستعد/بالدفاع وبالهجوم
واللحن ماهو جديد/يوم شبت نارها
عزوتي عتيبه والابل تروي18-Jan-2009, 06:12 PM
الله عليك
عندك طاقات شعريه هايله
ونتظرر من يردك عليك
ولد عسكر البارود18-Jan-2009, 07:41 PM
الله عليك
عندك طاقات شعريه هايله
ونتظرر من يردك عليك
مشكور اخوي على الرد وهذه من طيب اصلك
احمد الزايدي18-Jan-2009, 08:28 PM
[align=center]
في منتدى الهيلا هل المعلم=واللي يبا يلعب عسى يسلم
لايحلم الرجال لا يحلم=واطلق شنب مشروب فنجاله
البقا واللي حصد= مايغر (ا)من السلوم
ياعسى عندك رصيد=يـوم شــبـت نـارهـا
من هواللي مستفيد=أنشدك هات العلوم
والله مـاقــدر يـريــــد=يـوم شــبـت نارهـا
ولد عسكر البارود18-Jan-2009, 09:29 PM
السلام عليكم ورحمة الله وبركاته
يا مــرحــبا ياشـاعــر الزود
خــذهــا علـى تـقديـر ولا ود
مـنـتـه على الطـاروق متـعود
واطلق شنب مشروب فنجاله
عـنـدنا لـضـد ضد/ والرخامه للرخـوم
فاللقا عزمي شديد/ يوم شبت نارها
من يدينك مد مد/ والكرم جعله يدوم
عندي الراي السديد/ يوم شبت نارها
احمد الزايدي18-Jan-2009, 09:55 PM
دام البقا والله هو الرزاق=والطيب والمعروف لك ينساق
مأنته بمتعود على الأفاق=واطلق شنب مشروب فنجاله
صد يارجال صد =والشجاعه للقروم
فكك الدق الحديد=يوم شبت نارها
عسكري حد أستعد=صل فرضك ثم صوم
هيد والا لاتهيد=يوم شبت نارها
معجب العتيبي18-Jan-2009, 10:21 PM
ولد عسكر
الزايدي
صحة السنتكم
طاروق يستخق المتابعه
علي خيران العتيبي19-Jan-2009, 10:40 AM
يا سلام واصلو يا مبدعين و انا متابع
ولد عسكر البارود19-Jan-2009, 05:29 PM
السلام عليكم ورحمة الله وبركاته
اولا: اعتذر على تاخري بالرد لظروف خاصه
ثانيآ:معجب العتيبي وعلي العتيبي اشكركم على مروركم ويشرفني حضوركم
استلم لا هنت
يا صاحبي هات العلوم اسمان
والبيـت ما ياقــف بـلا عـمدان
وانته عـتـيبي مـثّل العـتـبـان
واطلق شنب مشروب فنجاله
يالحبيب هدهد/لا تزيد إبك الهموم
يا عسى عمرك مديد/يوم شبت نارها
للقثامي مانت ند/عندنا فرك الخشوم
عندنا مجد(ن) تليد/يوم شبت نارها
احمد الزايدي19-Jan-2009, 07:08 PM
معروف فارس وشأني شأن=شاعر وميقافي مع الشجعان
والطيب والمعروف لي عنوان=وأطلق شنب مشروب فنجاله
سد فالميقاف سد=خلص أنته فالزوم
لاتـكـثـرفـالـوعـيد=يـوم شبت نارها
أن عمرت أنا ماهد=ماأنت واصل للنجوم
دامت أنك فالصعيد=يوم شبت نارها[/align]
ولد عسكر البارود19-Jan-2009, 08:13 PM
السلام عليكم ورحمة الله وبركاته
ما ياصل القمة رجل مغرور
وانته مريض وشوفلك دكتور
واللي برز من ربعك ابن سرور
واطلق شنب مشروب فنجاله
ورعنا لو فالمهد /كم يهابه من قروم
والله الوالي شهيد /يوم شبت نارها
البحر جزر (ن)ومد/والرجال اللي تعوم
والنجم ماهو بعيد/يوم شبت نارها
علي خيران العتيبي20-Jan-2009, 10:23 PM
الله الله
يا سلام
صح لسانكم و انا متابع بانتظار احمد
ولد عسكر البارود21-Jan-2009, 01:43 PM
الله الله
يا سلام
صح لسانكم و انا متابع بانتظار احمد
مشكور اخوي علي على تفاعلك معنا وهذه من طيب اصلك
احمد الزايدي21-Jan-2009, 02:16 PM
اللي يسب الناس أخس الناس=ماهوبصاحي داخـلـه وسواس
والـذيل لايـمـكـن يـعـــود راس=واطلق شنب مشروب فنجاله
الله ياكثر الحسد=مـن يـطـيـح أزى يقـــــوم
لاتـزيـد ولا تعــيد=يـوم شــبـت نـارهـــــــا
مانت عم ولاانت جد=وأنت رجـــال مهزوم
مــار تبشر بالــوقيد=يـوم شــبت نـارهــــا
احمد الزايدي21-Jan-2009, 02:20 PM
ولد عسكر البارود
صح السانك أستمتعت بهذا الطاروق معك والله يسلمك يالغالي.ولنا لقا آخر أن شا الله تعالى
ولد عسكر البارود22-Jan-2009, 12:19 AM
صح بدنك يالزايدي ومافيك حيله .
وأستمتعت باللعب معك وسعيد جدا بمعرفتك.
وأعذرني على المزح الثقيل الذي صدر من باب الاخوه والميانه.
والى اللقاء في ميدان أخر.
علي خيران العتيبي22-Jan-2009, 12:46 AM
صح الله لسانكم محاوره رائعه استمتعت فيها الصراحه
تحياتي
ولد عسكر البارود22-Jan-2009, 12:52 AM
صح الله لسانكم محاوره رائعه استمتعت فيها الصراحه
تحياتي
مشكور اخوي علي وصح بدنك وحنا اللي استمتعنا بتفاعلك معنا
وشكرا
