قصيده للقرقاح

قصيده للشاعر فلاح القرقاح(في الوجد)

ياوجودي كل ما نسنس براد العصير"=" وجد من قفوا بذوده وهو مثناتها
اكنفوا به لين حن ورغى عقب الهدير"=" سربة(ن) ما عاقها الله من نياتها
اثلموه اخوان شمه وهو سيف(ن)شطير"=" وعصبته ما تنصرالمنتخي فزعاتها
وسمهم لما اعترض له على ورك البعير "="ما بقى له من عصى العز غير لحاتها
ما وراه الا يتيم يقذيله ضرير"=" مع فروع(ن) لو ضوى الذيب طق بشاتها
ساقوا أتلى ذود ابوها وهو للقوم أسير"=" لين وطيت جره أبوانها واماتها
يلتفت لين انقطع دونها شوفه الأخير"=" تحثى في وجهه الرمل بايدياتها
ويا وجودي وجد شاله على اخوه الصغير"=" عقب ما ضمت لحود القبور أمواتها
من مسله في الحشا فرجة(ن)مثل النذير"=" كن الأيام اكشفت له طرف غراتها
وجد من نكد على أمه ضحى العيد الكبير "="غضب وأغضبها ول وفق لمرضاتها
ان تعذر دنقت وشهقت مثل الغرير"=" وان تركها يفطر الكبد طول اسكاتها
وجد من بشر ورز العزى عقب البشير"=" جاء الولد وأمه سهوم المنيه جاتها
وشافها كن القمر في نحرها مستدير"=" بنتها الوسطى تلوى على عماتها
عقبها راحت حياته عبوس قمطرير "="باهته حتى فرحها مثل مأساتها
مرتين تطلب الذود في اليوم القصير"=" ينثني فتل(ن)مداهيل ذكرياتها
ان تهجى اللبس يا لله عسى مقسوم خير"=" وان نظر في منظرتها ذكرنظراتها
اتوجد ويتوجد معي حي الضمير"=" لاتمعن حال الأمه وشاف سواتها
مايحقق حلم ليل(ن)على جنحان طير"=" الا الله موجد روح عالم مدادها

قصيده طويله بس تستاهل

لاهنت يالقرم ...
إختيار رائع لقصيدة ولا أروع ...
ولكن هناك أخطاء إملائية ...
مثل :

مـايـحـقــق حـلــم لـيـل(ن)عــلــى جـنــحــان iiطــيــر" " الا الله مـــــوجـــــد روح عـــــالـــــم iiمـــــدادهــــــا **




تحيااااااااااتي