سلام الله سلامن يوازي للمحيطات !!
حمود الحمود15-May-2009, 10:07 PM
امسي على جميع الاخوان بالخير والطارف سداد
سلام الله سلامن يوازي للمحيطات =يوازي للمحيطات من حسنه وطيبه
سلامن للشجيعين واصحاب المروات =هذولا اللي نبا غير ذولا وش نبيبه
مقهوي15-May-2009, 10:25 PM
هلا يامرحبا فيك ياراع المهمات = نيابه عن معازيبنا عزوة عتيبه
تبون الصدق مافالسماء غير المجرات = ونجم ٍ طاح من فوق ماشاله نصيبه
الطرقي العجلان15-May-2009, 10:26 PM
صح لسان الحمود ومقهوي
الصف ازهلوه
حمود الحمود15-May-2009, 11:03 PM
يدوم الك البقا وارق في روس الطويلات =على روس الطويلات كلن له ضريبه
تقوله مير من فوقها شهبٍ مضرات = مضراتٍ مخاليبهادايم عطيبه
مقهوي15-May-2009, 11:24 PM
ولا ياحمود مانحسب احساب المسافات = على غيري بعيده على مثلي قريبه
ترا من فوقها كلها رب السموات = وانا ماقول في صاحبي شك ٍ وريبه
حمود الحمود16-May-2009, 09:49 AM
استلم لاهنت واسف على التأخر
وانا مالد ياكود لاصحاب الجمالات = وغير اهل الجمالات يمي وش يجيبه
سوات اللي لهم دور راعين الشكالات = هذولا مطلبي غيرهم وش ينبغيبه
معجب العتيبي16-May-2009, 11:29 AM
الله الله
حمود الحمود نورت المنتدى
ومن طول الغيبات جاب الغنايم
صح لسانك
ولسان المبدع مقهوي
حمود الحمود16-May-2009, 03:29 PM
الله الله
حمود الحمود نورت المنتدى
ومن طول الغيبات جاب الغنايم
صح لسانك
ولسان المبدع مقهوي
النور نورك لاعدمتك اخوي معجب
صح بدنك ياكبتن وشرفتنا بحضورك
لاهنت .
مقهوي16-May-2009, 08:44 PM
زمان الطيب والمرجله ياصاحبي فات = وطيب الرجل هذا الزمن من طيب جيبه
ولا ياحمود لو راحت الدنيا ولو جات = ترا ماقدر الله على المسلم يصيبه
مقهوي16-May-2009, 08:46 PM
معجب العتيبي
صح بدنك ولاهنت اخوي الغالي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
