انا الليله عيوني في ثلاثه من ثمان اشخاص \ سعد العصيمي

هلا بالشاعر اللي عن مواجيب العرب ماحاص = لو انه في بعض احيان يٍنزلها ويرفعها

انا الليله عيوني في ثلاثه من ثمان اشخاص = ولادري بالعصيمي ينتكف ولاّ يجي معها

الله الله يابن وايل على هالبداية الطيبة
واللي تبشر بقاف عليه الكلام

شد حيلك ترى الصف مع سعد
سعد ياسعد

سعود البرقاوي

صح بدنك وشرفتنا يالغالي

هلا بالشاعر اللي عن مواجيب العرب ماحاص
لو انه في بعـض احيـان يٍنزلهـا ويرفعهـا
انا الليله عيوني في ثلاثه من ثمان اشخـاص
ولادري بالعصيمي ينتكـف ولاّ يجـي معهـا



يا سلام عليكــــ يا عقاب



مبدع كما عهدناااكـ


صح لسانكــــــــ لين ترضى ـــــــــــــــــــــ


وصح لسان سعد مقدماااا

الله الله يابن وايل على هالبداية الطيبة
واللي تبشر بقاف عليه الكلام

خيال الصفراء


الابداع حضورك وتواجدك لاعدمتك


صح بدنك

ولد عساف


صح بدنك ولاهنت يالذيب

..

هلا بالشاعر اللي عن مواجيب العرب ماحاص = لو انه في بعض احيان يٍنزلها ويرفعها

انا الليله عيوني في ثلاثه من ثمان اشخاص = ولادري بالعصيمي ينتكف ولاّ يجي معها


هلا يامرحبا بك وانت ضيفي مار وضعك خاص=ليا مني نشدتك عن بني عمك تضيعها
علاك تفتح عيونك وانا بفرصك بالمفراص=مقاريد العرب ماغار مفراصي يقنعها

الله الله يابن وايل على هالبداية الطيبة
واللي تبشر بقاف عليه الكلام

شد حيلك ترى الصف مع سعد
سعد ياسعد

ابن وايل مايجي الا بالطيب

والصف الصف يابن العم :)

لاهنت

هلا يامرحبا بك وانت ضيفي مار وضعك خاص ليا مني نشدتك عـن بنـي عمـك تضيعهـا
علاك تفتح عيونك وانا بفرصـك بالمفـراص مقاريـد العـرب ماغـار مفراصـي يقنعهـا



هههههههههههههههههههه



صح لسانكـــ لين ترضى

هلا بالشاعر اللي عن مواجيب العرب ماحاص
لو انه في بعـض احيـان يٍنزلهـا ويرفعهـا
انا الليله عيوني في ثلاثه من ثمان اشخـاص
ولادري بالعصيمي ينتكـف ولاّ يجـي معهـا



يا سلام عليكــــ يا عقاب



مبدع كما عهدناااكـ


صح لسانكــــــــ لين ترضى ـــــــــــــــــــــ


وصح لسان سعد مقدماااا



ارررررحب ياخيال الصفرا

صح بدنك موخراً :)

الله الله يابن وايل على هالبداية الطيبة
واللي تبشر بقاف عليه الكلام


ارررررحب
متابعتك للمحاورت تحفزنا يالغالي :)

..

عقاب العنزي .. سعد العصيمي

..


صحت ألسنتكم يامبدعين

والصف صف ابومطر لاجدال ولايهون عقاب

هلا يامرحبا بك وانت ضيفي مار وضعك خاص
ليا مني نشدتك عـن بنـي عمـك تضيعهـا

علاك تفتح عيونك وانا بفرصـك بالمفـراص
مقاريـد العـرب ماغـار مفراصـي يقنعهـا


ههههههههه يهيب يابومطر لوإني من عقاب ماعاد رديت :)

ماعلاك ياعقاب بس اشجع ابومطر

واصلوووا متابعين

..

..

عقاب العنزي .. سعد العصيمي

..


صحت ألسنتكم يامبدعين

والصف صف ابومطر لاجدال ولايهون عقاب

هلا يامرحبا بك وانت ضيفي مار وضعك خاص
ليا مني نشدتك عـن بنـي عمـك تضيعهـا

علاك تفتح عيونك وانا بفرصـك بالمفـراص
مقاريـد العـرب ماغـار مفراصـي يقنعهـا


ههههههههه يهيب يابومطر لوإني من عقاب ماعاد رديت :)

ماعلاك ياعقاب بس اشجع ابومطر

واصلوووا متابعين

..

يامرحبا يابو محمد يامرحبا

تشجيعك على العين والراااس

وعقاب جبل :)

ليا مني نشدتك ويش فرق القنص والمقناص = اخذت شهور قدم الناس تطرحها وتجمعها

بعد ربعك لقو ياصاحبي مقعد بصدر الشاص = علامك تحسد العالم بعد حجزت مواقعها

ناصر الجلاه


صح بدنك وشرفتنا بحضورك


تقديري

شاعر المعنى

الشاعر الرائع والمبدع دائما

عقاب العنزي


صح السانك ملاييييييييييييين


وصح السان الشاعر الرائع والمبدع وشاعر المعنى سعد العصيمي


تحياتي لكم جميع


متابع

صح السالم


صح بدنك وشرفتني بكلامك ولاعليك زود يالذيب


كل التقدير

الله الله


بلا كثر الكلام وهات علمك واطلب المخلاص=ترا العالم علاك من الزرا تشر باصابعها
اثر عينك من البارح على دله وتمر خلاص=تبا قسم النشاما ياعقاب .. اصنع صنايعها

صح بدنك يابن سالم

شرفنا حظورك واطراءك

ابروح اصلي واعود ياعقاب

راجعين :)

احسب انك يابن عاصم على درب الاثر قصّاص = عسى الله يخلف عتيبه بعد بارت مصانعها
انا قسمي كبير المشكله في راكبين الباص = ليا من شافوا الاجناب ماتركد مدافعها

الله الله

على سطح البحر وشلون ابتبع جرة الغواص=مسراتن بلا يمه تضيع من يتابعها
مافرق عزوة عتيبة ذنيب العقرب القراص=ليا جتنا وطيناها قبل تاصل مطامعها

رسمنا له هدف مير البلا في دقة القناص = مرار اشوف يشبرها وبعض مرّات يذرعها
انا وش لي دخل ما بين نهر النيل ونهر العاص = لكن اوفو حقوق الناس واعطوها منافعها

حرار الجو ماتطمع بطيرن دونه الأقفاص=هذا طبع الحرار .. الصيدة الحره توقعها
انا خابرك متمكن تعرف الديمن من الهاص=ولكن العباه اللي على متنك مرقعها

صح لسانك ياعقاب

شاعر يشرفني مقابلة كل شاعر بحجمك

احترامي وتقديري

على راسك تثور من المسدس طلقتين رصاص = على شان الثياب اللي اخيّطها وتقطعها !!
انا مابغى شهادة شلة الارباع والانصاص = انا لي ماقفي يوم العرب خارت روابعها

سعد العصيمي

صح بدنك والشرف لي طال عمرك

..

عقاب العنزي


سعدالعصيمي




صحت الالسن والقلوب

عقاب العنزي وسعد العصيمي

صحت السنتكم وبيض الله وجيهكم

شعار كبار استمتعنا بمحاورتهم


وانا عندي استفسار للفائده وليس للنقد


في بيت عقاب
هلا بالشاعر اللي عن مواجيب العرب ماحاص=لو انه في بعـض احيـان يٍنزلهـا ويرفعهـا


الشطر الثاني من البيت هل هو صحيح من ناحية الوزن


وفي بيت آخر يقول



رسمنا له هدف مير البلا فـي دقـة القنـاص=مرار اشوف يشبرها وبعض مـرّات يذرعهـا


الشطر الثاني هل هو صحيح

وهل تصحيح البيت اذاكان خاطئ بهذه الطريقه (مرار اشوف يشبرها وبعض امرار يذرعهـا )


وتقبلوا تحياااااااااااااااااااتي

كايد الاجرب

شرفتنا يالذيب صح بدنك

على شان الثياب تضيَق منا .. والثياب رخاص !!=نبا نعطيك ثوب وطلقتينً من مقمعها

اجل لاعاد اشوفك معترض في معرض الالماص=ترا العالم يقديها النظر وعقولها معها

ابن عاقل


اشادتك محل تقدير بصراحه ووجهك ابيض


فالشطر الاول نعم الوزن ميه ميه لكن يمكن نطقته انت بشكل خاطئ

( لو انه في بعض احيان ينزلها ويرفعها ) يبدو انك شددت حرف الزاء وهو بدون شده مع كسر الياء كما هو

واضح


اما بالشطر الثاني كلامك سليم ويشهد الله اني لم انتبه الا من خلال توضيحك ويعطيك العافيه

وانا اللي اقصد مرار آشوف يشبرها وبعض امرار يذرعها ) لكن العجله خلتني ازل


لاهنت على النقد الهادف وعلى التنبيه


كل التقدير

كايد الاجرب

ابن عاقل

حياكم الله جميعاً

شرفتونا وصحت ابدااانكم

شكرا لكم :)

ابن عاقل


اشادتك محل تقدير بصراحه ووجهك ابيض


فالشطر الاول نعم الوزن ميه ميه لكن يمكن نطقته انت بشكل خاطئ

( لو انه في بعض احيان ينزلها ويرفعها ) يبدو انك شددت حرف الزاء وهو بدون شده مع كسر الياء كما هو

واضح


اما بالشطر الثاني كلامك سليم ويشهد الله اني لم انتبه الا من خلال توضيحك ويعطيك العافيه

وانا اللي اقصد مرار آشوف يشبرها وبعض امرار يذرعها ) لكن العجله خلتني ازل


لاهنت على النقد الهادف وعلى التنبيه


كل التقدير





استاذي عقاب


اولاً/ بيض الله وجهك على التوضيح

وانا كنت والله متأكد انك كاتب البيت بالغلط والا انت محشوم من النقص طال عمرك

ثانياً/ اعترافك بالخطأ الغير مقصود وتوضيحك له بالطريقه الصحيحه يدل على عقليتك الواعيه والفاهمه


ثالثاً/ تقبل تحياتي وتقديري واعجابي