قصيدة في ماجلس(ن) ماجلس به هن بن هني = خبل(ن) علومه تجي من دون ترتيبي:-

الإخوة الكرام أعضاء وزوار منتدى قبيلة عتيبة الهيلا
السلام عليكم ورحمة الله وبركاته :
هذه قصيدة مثل سابقاتها أمل أن تحوز على شي من إعجابكم




يالقرم قم حيث قوماتك يسرني= يوم أنت رجل(ن) من رجال المواجيبي

يامسندي قومتك تجلا الطفش عني = ترا الهواجيس تقبل بي وتقفيبي

هات العويدي وهات الهيل والبني = وقرب عليّ البغاديد المحاديبي

ونجر(ن) ليا ثولثه راعيه ثم دني = يقنب قنيب الموايق في المراقيبي

عسى هجوسي تروح وتبتعد عني = لياذقت فنجالها تطفي لواهيبي

حتى تزين العلوم ويطرب الفني = عود(ن) مضا له مع الدنيا تجاريبي

عود(ن) علومه على هجسي على ظني = مالفق الحكي تلفيق الأكاذيبي

بمجلس رجال(ن) إحشام(ن) مابه مشنّي = واحدهم اليا هرج ما جاله امعيبي

وعلومهم منوة اللي كان متمني = فيها النقا والرجولة والتعاجيبي

في ماجلس(ن) ماجلس به هن بن هني = خبل(ن) علومه تجي من دون ترتيبي

كنه موكل على هالنس والجني = وماهر وبيطار في شذب العراقيبي

هذا ومثله عسى الله يقلعه عني = مباه ون جيت يمه لايهليبي

ترا هذا منهجي ياناشدن عني = وابغى الذي مادرى من قبل يدريبي [/poem]

الله اكبر


صح لسانك يابو نايف

قصيده امتلأت بالشعر الذي نبحث عنه

لافض فوك وكثر الله من امثالك وامثال شعرك


محبك

الأخ المشرف / عبدالله الجذع
صح لسانك مقدماً
شكراً لمرورك وإطلاعك على القصيدة . تقبل تحـيـــــــــــــــــــــــــــــــاتـــــــــــــ ــي

الله الله الله

حي الجزاله

حي الجزاله والله

وحي راس راعيها

صح الله بدنك

ولا هنت يا ابو نايف


وبيض الله وجهك على هاذي التحفه الفخمه..

تقبل مروري وإعجابي بما خطه قلمك هنا ..

الأخ / باين العتيبي
صح لسانك وبيض الله وجهك . تقبل تحيـــــــــــــــــــــــــتاتي

الاخ ابو نايف

صح لسانك وبيض الله وجهك على هذه الابيات المرموقه ولاغرابه الطيب مايجيب الاطيب

يامرحبا بالمراشدة . صح بدنك . تقبل تحيـــــــــــــــــــاتـــــــــــــــــــــــي