قـصـيـدة عـن الـتـبـرع بالإعـضـاء ،، مع اعتذار لقلوبكم الطاهره عن غيابي

بسم الله الرحمن الرحيم

السلام عليكم ورحمة الله وبركاته



اخواني // اخواتي



اسعد الله جميع اوقاتكم بكل خير و اعتذر لأرواحكم الطاهره عن غيابي الفتره الماضيه عدت اليكم بهذه القصيده المتواضعه عساها ان تشفع لي لدى قلوبكم الطاهره





مناسبة القصيده



تلقيت دعوه من نادي السرطان التطوعي احد اندية عالم التطوعي العربي للمشاركة كشاعر في اللقاء المفتوح لمرضى الكلى و الكبد في قاعة سمير بن حريب الكبرى الكائنة في مدينة الملك عبدالعزيز الطبيه بالرياض - الحرس الوطني - بتاريخ 2-2-1433هــ.



.

.

.

.
.





نداء للي عالم الغيب شافاه = يفطن لمبليً عنا الوقت ضامه

يفطن لمن زاد الألم فيه و اعياه = مايهتني مصبح ولافي منامه

معه فشل يغسل على الدايم إكلااه = او علة بالكبد زادت اسقامه

واللي يصيب العبد تكفير سياه = لطف ً من المعبود منشي غمامه

افطن لمن كبر المرض فيه و اشقاه = صار التعب في وجه مثله علامه

من قبل لاينعاك والا انت تنعاه = بادر تبرع له وخفف الامه

ترى التبرع خير والله يرضاه = من يفرج الكربات يسمو مقامه

يارب ترحم من تبرع وترعاه = برعايتك نجّه بيوم القيامه

اللى سعى بالخير فالله يجزاه = بالخير و الجنه ويغفر آثامه

بادر بفعل الخير فالخير منجاه= و اياك تبخل تزرع الابتسامه

وختامها برفع يديني إلى الله = وانتم بعد ياهل الوفا والكرامه

عسى المريض اللي تألم و قال آه = لنا يقوم من المرض بالسلامه

عسى المريـض اللـي تألـم و قـال آه
لـنـا يـقــوم مـــن الـمــرض بالـسـلامـه


اللهم أمين,,


وصح لسااانكـ يالغالي,,

صح لسانك يالشمري

يعلم الله اني احب شمر

تقبل مروري مع خالص تحياتي وتقديري