^المقاطي^01-Mar-2003, 07:20 PM
سلام عليكم
ممكن خدمة ياجماعة
اللي يعرف رد قصيدة حمود البغيلي
(( الغرب يصنع طائرات وصواريخ ))
ممكن يكتبها لي جزاه الله خير
وشكرا لكم
الدهاسي02-Mar-2003, 12:14 AM
السلام عليكم
هذا رد الشاعر باقي المفلح على البغيلي
يا بن البغيلي للعرب بعد ياريخ...من قمه لقمه كلام وتماشي
شف هالجرايد كلها صورة الشيخ...والشيخ مايسوىخسارة فلاشي
واعلام شاطر في عروض المفاصيخ...والحر يكفخ بين مرشي وراشي
والا شباب مناا لعوايد مساليخ...والا بنات للنصارى تماشي
للي يقول الحق ياحمود تكفيخ...وللي يقول الزور عز ومعاشي
ارهابي اللي ينصر الدين ياشيخ...والا اليهودي ياخذ ارض وكاشي
خلك بشعر المدح مدح الشواميخ...الي معاركهم بكاس وفراشي
حنا العرب مابين كوره وبطيخ...في كل ملعب تلتقينا نفاشي
بننتصر ياحمود بالطاخ والطيخ...كم الف مطرب سوقهم بانتعاشي
بافلامنا بنوصل الصوت للمريخ...وببشوتنا بنصد قصف الاباشي
بالرقص نقدر نكتب احلى تواريخ...مادام صرنا بين خاين وواشي
وامالنا ترجع علينا صواريخ...وجروحنا تنزف ولافيه شاشي
هيا تعال نوجه لبوش توبيخ...ليه العرب يا بوش عندك مواشي
ونحذرك يا بوش يكفيك تلطيخ...لاتحسب ان الدم ضاع ببلاشي
حكمنا يابوش شلة مداليخ ...لكن يجونك ساكنين العشاشي
ناس تسمع صوتها للمصاميخ...ناس تموت اعراضها ماتناشي
يا بوش صبرك لين تلقى المطانيخ...اللي يردون الذيابه كباشي
اهل الفعل يسقونك الرد زرنيخ...اللي مع الله لازمين المماشي
لاني ولد تاجر ولاني ولد شيخ ...انا فقير وراس مالي معاشي
وسلامتكم...........
^المقاطي^02-Mar-2003, 01:16 AM
الله يجزاك خير
ماتقصر والله
وشكرا على القصيدة
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
